जगह-जगह
बसल बडुए
सोने के लंका,
जगह-जगह
रावन के राज बा।
मोहित बाड़ें
राम-लखन
सुपनेखिया रूप पर,
आपस में लड़त बाड़ें।
ललचात बाड़ी सीता
सोना के मिरगा पर,
अपहरण के देत बाड़ी
मौका।
आज के बनी जटायु?
जे रावण से लड़ी,
आपन पाँख कटवाई
आ परमारथ में
घवाहिल हो के
छटपटाई।
के बनी हनुमान?
जे भगती में
रामजी से सकती लेके
लांघ जाई सात समुन्दर,
सीता के शोक हरी,
लंका के अशोक वन से
'अ' के हरण करी,
लंका के दहन करी।
आज के बानरी सेना
खाली उधम मचावत बा,
बान्ही कइसे सेतु,
ऊ त पुल के नीचे
पलीता लगावत बा।
सभे आपन भूमिका
भुलाये लागल बा,
एही से अच्छाई
अलोपित हो रहल बा।
काहेकि
बाहरी लंका के अलावे
सबका भीतरी बसल बा
कई-कई गो लंका,
कई-कई गो बा रावन।
jagah jagah
basal baDue
sone ke lanka,
jagah jagah
ravan ke raaj ba.
mohit baDen
raam lakhan
supnekhiya roop par,
aapas mein laDat baDen.
lalchat baDi sita
sona ke mirga par,
apahran ke det baDi
mauka.
aaj ke bani jatayu?
je ravan se laDi,
aapan paankh katvai
aa parmarath men
ghavahil ho ke
chhataptai.
ke bani hanuman?
je bhagti men
ramji se sakti leke
laangh jai saat samundar,
sita ke shok hari,
lanka ke ashok van se
a ke haran kari,
lanka ke dahan kari.
aaj ke banri sena
khali udham machavat ba,
banhi kaise setu,
uu ta pul ke niche
palita lagavat ba.
sabhe aapan bhumika
bhulaye lagal ba,
ehi se achchhai
alopit ho rahal ba.
kaheki
bahari lanka ke alave
sabka bhitari basal ba
kai kai go lanka,
kai kai go ba ravan.
jagah jagah
basal baDue
sone ke lanka,
jagah jagah
ravan ke raaj ba.
mohit baDen
raam lakhan
supnekhiya roop par,
aapas mein laDat baDen.
lalchat baDi sita
sona ke mirga par,
apahran ke det baDi
mauka.
aaj ke bani jatayu?
je ravan se laDi,
aapan paankh katvai
aa parmarath men
ghavahil ho ke
chhataptai.
ke bani hanuman?
je bhagti men
ramji se sakti leke
laangh jai saat samundar,
sita ke shok hari,
lanka ke ashok van se
a ke haran kari,
lanka ke dahan kari.
aaj ke banri sena
khali udham machavat ba,
banhi kaise setu,
uu ta pul ke niche
palita lagavat ba.
sabhe aapan bhumika
bhulaye lagal ba,
ehi se achchhai
alopit ho rahal ba.
kaheki
bahari lanka ke alave
sabka bhitari basal ba
kai kai go lanka,
kai kai go ba ravan.
स्रोत :
पुस्तक : खरकत जमीन बजरत आसमान (पृष्ठ 68)रचनाकार : ब्रजभूषण मिश्र
प्रकाशन : वनांचल प्रकाशन, तेनुघाट (बोकारो)
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
