कवि हओ! जनु कवि नाम हँसाबह
अरसिककेर थपड़िक लोभेँ नहि
प्रतिभा अपन सठाबह
सभा न सभ दिन लागल भेटतह
सभकेँ गाबि सुना नहि सकबह
सब दिन लोक मूर्ख नहि रहतह
सेहो कने विचारह
विकृते रूप जकर आलम्बन
चेष्टाविकृत होइछ उद्दीपन
निन्दा छै व्यभिचारि भाव
तै रसकेँ कात हँटाबह
कवि रहलै सबदिन पथ-दर्शक
गायक नहि, नर्तक नहि, शिक्षक
ताहि पवित्र प्रतिष्ठाकेँ जनु
कवि तौँ आइ घटाबह
पोथीकेर आखरकेँ पढ़ि कय
कानय, काँपय अथवा चौंकय
फानि उठय बूढ़ो उछाहसँ
कविता तेहन बनाबह
अध: पतन सबकेर भेल छै
निन्दे सभकेँ नीक लगै छै
ताहि प्रवृत्तिक पोषण कय जनु
देश-समाज बुड़ाबह
आनक कानब-खसब देखि कय
हृदय-हीन जे बिहुँसय हरखय
तै मानव-दानव समाजकेँ
कविता लीखि सुधारह
कवि हओ! नहि कवि नाम हँसाबह
kavi hao! janu kavi naam hansabah
arasikker thapDik lobhen nahi
pratibha apan sathabah
sabha na sabh din lagal bhettah
sabhken gabi suna nahi sakbah
sab din lok moorkh nahi rahtah
seho kane vicharah
vikrite roop jakar alamban
cheshtavikrit hoichh uddipan
ninda chhai vybhichari bhaav
tai rasken kaat hantabah
kavi rahalai sabdin path darshak
gayak nahi, nartak nahi, shikshak
tahi pavitra prtishthaken janu
kavi taun aai ghatabah
pothiker akharken paDhi kay
kanay, kanpay athva chaunkay
phani uthay buDho uchhahasan
kavita tehan banabah
adhah patan sabker bhel chhai
ninde sabhken neek lagai chhai
tahi prvrittik poshan kay janu
desh samaj buDabah
aanak kanab khasab dekhi kay
hriday heen je bihunsay harkhay
tai manav danav samajken
kavita likhi sudharah
kavi hao! nahi kavi naam hansabah
kavi hao! janu kavi naam hansabah
arasikker thapDik lobhen nahi
pratibha apan sathabah
sabha na sabh din lagal bhettah
sabhken gabi suna nahi sakbah
sab din lok moorkh nahi rahtah
seho kane vicharah
vikrite roop jakar alamban
cheshtavikrit hoichh uddipan
ninda chhai vybhichari bhaav
tai rasken kaat hantabah
kavi rahalai sabdin path darshak
gayak nahi, nartak nahi, shikshak
tahi pavitra prtishthaken janu
kavi taun aai ghatabah
pothiker akharken paDhi kay
kanay, kanpay athva chaunkay
phani uthay buDho uchhahasan
kavita tehan banabah
adhah patan sabker bhel chhai
ninde sabhken neek lagai chhai
tahi prvrittik poshan kay janu
desh samaj buDabah
aanak kanab khasab dekhi kay
hriday heen je bihunsay harkhay
tai manav danav samajken
kavita likhi sudharah
kavi hao! nahi kavi naam hansabah
स्रोत :
पुस्तक : कतेक दिनक बाद (मैथिली कविता-संग्रह) (पृष्ठ 3)संपादक : डॉ कैलासनाथ झा, शिवशंकर श्रीनिवास रचनाकार : काञ्चीनाथ झा 'किरण'
प्रकाशन : किरण मैथिली साहित्य शोध संस्थान (धर्मपुर, लोहना रोड, दरभंगा)
संस्करण : 1989
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
