तुम का करिहौ किस्सा सुनिकै
का बतलाई तुमका हजूर।
हम जलमन के दुखिया मंजूर॥
ना मौला रोटी दै पायेसि
सरकार फेल हुइगै हजूर
पीढ़ी दर पीढ़ी खेत बंटा
आपन हिस्सा हर दफा घटा
परिवार बढ़ा बेकारी भइ
दुइ रोटिन कै लहचारी भइ
जब भूख पियास न सहि पाएन
तब भाजि हियाँ दिल्ली आएन
दिन राति किहेन मेहनति खटिकै
तब रोटी पानी कीन पूर॥
फिर ते हम गाँवै नहीं गएन
अब तौ कमरा लै लीन रहै
पिंकी की अम्मा औ बबलू
फिर घर ते दिल्ली आइ गए
भैया हम मेहनति बहुत कीन
इज्जति की रोटी क्यार सपनु
हम अपनी आँखिन देखि लीन
का कही कोरौना लॉकडौन
दहिजरा कै दिहिस चूर चूर॥
सब काम ठप्प जिउ बिलबिलान
हम अपनि भूँख तौ भूलि गएन
बबलू की भूँख न सहि पाएन
बस रेल सबै कुछ बंद अबै
कैसे गाँवे पहुँचा जाई
मेहरेऊ हमते कहिन काल्हि
पैदरै करौ घर का पयान
हम दिल्ली आएन भरि पाएन
हम कहा कि गौंवा बहुत दूर॥
कसि लीन मुसिक्का बसि मुँह पर
पैदरै गाँव का तान दीन
दुइ दिन ते लरिका भूखे हैं
सब बिस्कुट पानी गा बिलाय
सड़कन पर कुछ बरदी वाले
हमका लाठिन फटकारति हैं
जो चलि पैबा तो गाँव मिली
जो थकि जैबा तो मौत मिली
अपने घर जाना है जरूर॥
tum ka karihau kissa sunikai
ka batlai tumka hajur.
hum jalman ke dukhiya manjur॥
na maula roti dai payesi
sarkar phel huigai hajur
piDhi dar piDhi khet banta
aapan hissa har dapha ghata
parivar baDha bekari bhai
dui rotin kai lahchari bhai
jab bhookh piyas na sahi payen
tab bhaji hiyan dilli aayen
din rati kihen mehanati khatikai
tab roti pani keen poor॥
phir te hum ganvai nahin gen
ab tau kamra lai leen rahai
pinki ki amma au bablu
phir ghar te dilli aai ge
bhaiya hum mehanati bahut keen
ijjati ki roti kyaar sapanu
hum apni ankhin dekhi leen
ka kahi korauna laukDaun
dahijra kai dihis choor choor॥
sab kaam thapp jiu bilabilan
hum apani bhoonkh tau bhuli gen
bablu ki bhoonkh na sahi payen
bas rel sabai kuch band abai
kaise ganve pahuncha jai
mehreu hamte kahin kalhi
paidarai karau ghar ka payan
hum dilli aayen bhari payen
hum kaha ki gaunva bahut door॥
kasi leen musikka basi munh par
paidarai gaanv ka taan deen
dui din te larika bhukhe hain
sab biskut pani ga bilay
saDkan par kuch bardi vale
hamka lathin phatkarati hain
jo chali paiba to gaanv mili
jo thaki jaiba to maut mili
apne ghar jana hai jarur॥
tum ka karihau kissa sunikai
ka batlai tumka hajur.
hum jalman ke dukhiya manjur॥
na maula roti dai payesi
sarkar phel huigai hajur
piDhi dar piDhi khet banta
aapan hissa har dapha ghata
parivar baDha bekari bhai
dui rotin kai lahchari bhai
jab bhookh piyas na sahi payen
tab bhaji hiyan dilli aayen
din rati kihen mehanati khatikai
tab roti pani keen poor॥
phir te hum ganvai nahin gen
ab tau kamra lai leen rahai
pinki ki amma au bablu
phir ghar te dilli aai ge
bhaiya hum mehanati bahut keen
ijjati ki roti kyaar sapanu
hum apni ankhin dekhi leen
ka kahi korauna laukDaun
dahijra kai dihis choor choor॥
sab kaam thapp jiu bilabilan
hum apani bhoonkh tau bhuli gen
bablu ki bhoonkh na sahi payen
bas rel sabai kuch band abai
kaise ganve pahuncha jai
mehreu hamte kahin kalhi
paidarai karau ghar ka payan
hum dilli aayen bhari payen
hum kaha ki gaunva bahut door॥
kasi leen musikka basi munh par
paidarai gaanv ka taan deen
dui din te larika bhukhe hain
sab biskut pani ga bilay
saDkan par kuch bardi vale
hamka lathin phatkarati hain
jo chali paiba to gaanv mili
jo thaki jaiba to maut mili
apne ghar jana hai jarur॥
स्रोत :
पुस्तक : भाखा की गठरी (पृष्ठ 41)रचनाकार : भारतेन्दु मिश्र
प्रकाशन : परिकल्पना, दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
