नाचु बिसमिल्लइ का होय वसारे मा!
चहयि बिसवयि बिसुवा बिकाय,
नाचु बिसमिल्लइ का होय वसारे मा!
लरिकउनू की पसनी मँ भीर
ठनक मिरदंगी ति होय दुआरे मा!
बाउ पुरिखन की यह भागि
जो जग्गि रचाउब तउ
घुँघुरुन ते उठयि घमसानु
नाचु बिसमिल्लइ का होय वसारे मा!
भला गैलन चारि त होयँ
तपउन चढ़ै खुब-खुब;
बड़े काका कहयिं वहु ठीक
नाचु बिसमिल्लइ का होय वसारे मा!
कहयिं मलकिनि ब्यारउ-ब्यार
गहनवौ गिरौं करबै,
मुलउ डेरा नचाउब चारि
नाचु बिसमिल्लइ का होय वसारे मा!
उयि मंगलु गावयिं असीसु
झँड़ूले जिययिं जुगुजुगु
बिसमिल्ला क लहरा-पटोरु
नाचु बिसमिल्लइ का होय वसारे मा!
सब पंचन का ब्यवहारु
बड़ाई हमार करयिं
ठकुरस्ती की बात न जायि
नाचु बिसमिल्लइ का होय वसारे मा!
nachu bismillai ka hoy vasare maa!
chahayi bisavayi bisuva bikay,
nachu bismillai ka hoy vasare maa!
larikaunu ki pasni man bheer
thanak mirdangi ti hoy duare maa!
bau purikhan ki ye bhagi
jo jaggi rachaub tau
ghunghurun te uthayi ghamsanu
nachu bismillai ka hoy vasare maa!
bhala gailan chari ta hoyan
tapun chaDhai khub khub;
baDe kaka kahayin vahu theek
nachu bismillai ka hoy vasare maa!
kahayin malakini byarau byaar
gahanvau giraun karabai,
mulau Dera nachaub chari
nachu bismillai ka hoy vasare maa!
uyi mangalu gavayin asisu
jhanDule jiyayin jugujugu
bismilla ka lahra patoru
nachu bismillai ka hoy vasare maa!
sab panchan ka byvharu
baDai hamar karyin
thakurasti ki baat na jayi
nachu bismillai ka hoy vasare maa!
nachu bismillai ka hoy vasare maa!
chahayi bisavayi bisuva bikay,
nachu bismillai ka hoy vasare maa!
larikaunu ki pasni man bheer
thanak mirdangi ti hoy duare maa!
bau purikhan ki ye bhagi
jo jaggi rachaub tau
ghunghurun te uthayi ghamsanu
nachu bismillai ka hoy vasare maa!
bhala gailan chari ta hoyan
tapun chaDhai khub khub;
baDe kaka kahayin vahu theek
nachu bismillai ka hoy vasare maa!
kahayin malakini byarau byaar
gahanvau giraun karabai,
mulau Dera nachaub chari
nachu bismillai ka hoy vasare maa!
uyi mangalu gavayin asisu
jhanDule jiyayin jugujugu
bismilla ka lahra patoru
nachu bismillai ka hoy vasare maa!
sab panchan ka byvharu
baDai hamar karyin
thakurasti ki baat na jayi
nachu bismillai ka hoy vasare maa!
स्रोत :
पुस्तक : पढ़ीस ग्रंथावली (पृष्ठ 152)संपादक : डॉ. रामविलास शर्मा, युक्तिभद्र दीक्षित रचनाकार : बलभद्रप्रसाद दीक्षित 'पढ़ीस'
प्रकाशन : उत्तर प्रदेश हिन्दी संस्थान, लखनऊ
संस्करण : 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
