सुख सुखराती
दीयाबाती
जगमग जगमग दीप जराऊ।
केहन दीप?
वैह दीप विद्याक सुनिर्मल
जे छलाह लेसने मिथिला मे
गौतम कपिल जनक ओ मंडन
याज्ञवल्क्य वाचस्पति उदयन
गुरु गंगेश पक्षधर शंकर
विद्यापति ठाकुर सन कविवर।
से सभ दीप मिझाय न पाबय
दय नव स्नेह प्रकाश बचाऊ
जंगमग जगमग दीप जराऊ।
पुनः जनकपुर ओ कपिलेश्वर
गौतम कुण्ड तथा सिंहेश्वर
महिषी ठाढ़ी करियन सरिसव
मँगरौनी विसफी बाजितपुर
होमय ज्योतिक केन्द्र मनोहर
पुन: पुन: बाती उसकाऊ
जगमग-जगमग दीप जराऊ।
घर घर लेसल जाय दिवारी
भाँजू सभ मिलि कय उकियारी
केहन उकियारी?
ईर्ष्या फूट वैमनस्यक ख'ढ़
और क्षुद्र अभिमानक संठी
घोर मूर्खता केर सब बन्धन
पारस्परिक विरोध गोलैसी
मिथ्या दम्भ मामिलाबाजी
सकल अन्धविश्वास अशिक्षा
पर्दा प्रथा कुरीति दहेजक
सब केर मुँह मे आगि लगाऊ।
जौं जल्दी पजरय नहि उक्का
पुनि-पुनि धधरा कय धधकाऊ।
डारि जारि सब भस्म बनाऊ
जगमग जगमग दीप जराऊ
झोल झाड़ि सभतरि कालुष्यक
नव घर कैं चुनेटि कय चकचक
विद्या प्रेम शान्ति सौं झकझक
धूप दैत सुरभित सहयोगक
नव-नव स्नेहक दीप जराऊ।
अनधन लक्ष्मी घर मे आनू
सभ दरिद्रता दूर भगाऊ।
सुख सुखराती
दीयाबाती
जगमग जगमग दीप जराऊ।
sukh sukhrati
diyabati
jagmag jagmag deep jarau.
kehan deep?
vaih deep vidyak sunirmal
je chhalah lesne mithila mae
gautam kapil janak o manDan
yagyvalkya vachaspati udyan
guru gangesh pakshadhar shankar
vidyapati thakur san kavivar.
se sabh deep mijhay na pabay
day nav sneh parkash bachau
jangmag jagmag deep jarau.
punः janakpur o kapileshvar
gautam kunD tatha sinheshvar
mahishi thaDhi kariyan sarisav
mangrauni visphi bajitpur
homay jyotik kendr manohar
punah punah bati uskau
jagmag jagmag deep jarau.
ghar ghar lesal jaay divari
bhanju sabh mili kay ukiyari
kehan ukiyari?
iirshya phoot vaimnasyak khaDh
aur kshudr abhimanak santhi
ghor murkhata ker sab bandhan
parasparik virodh golaisi
mithya dambh mamilabaji
sakal andhvishvas ashiksha
parda pratha kuriti dahejak
sab ker munh mae aagi lagau.
jaun jaldi pajray nahi ukka
puni puni dhadhra kay dhadhkau.
Dari jari sab bhasm banau
jagmag jagmag deep jarau
jhol jhaDi sabhatari kalushyak
nav ghar kain chuneti kay chakchak
vidya prem shanti saun jhakjhak
dhoop dait surbhit sahyogak
nav nav snehak deep jarau.
andhan lakshmi ghar mae aanu
sabh daridrata door bhagau.
sukh sukhrati
diyabati
jagmag jagmag deep jarau.
sukh sukhrati
diyabati
jagmag jagmag deep jarau.
kehan deep?
vaih deep vidyak sunirmal
je chhalah lesne mithila mae
gautam kapil janak o manDan
yagyvalkya vachaspati udyan
guru gangesh pakshadhar shankar
vidyapati thakur san kavivar.
se sabh deep mijhay na pabay
day nav sneh parkash bachau
jangmag jagmag deep jarau.
punः janakpur o kapileshvar
gautam kunD tatha sinheshvar
mahishi thaDhi kariyan sarisav
mangrauni visphi bajitpur
homay jyotik kendr manohar
punah punah bati uskau
jagmag jagmag deep jarau.
ghar ghar lesal jaay divari
bhanju sabh mili kay ukiyari
kehan ukiyari?
iirshya phoot vaimnasyak khaDh
aur kshudr abhimanak santhi
ghor murkhata ker sab bandhan
parasparik virodh golaisi
mithya dambh mamilabaji
sakal andhvishvas ashiksha
parda pratha kuriti dahejak
sab ker munh mae aagi lagau.
jaun jaldi pajray nahi ukka
puni puni dhadhra kay dhadhkau.
Dari jari sab bhasm banau
jagmag jagmag deep jarau
jhol jhaDi sabhatari kalushyak
nav ghar kain chuneti kay chakchak
vidya prem shanti saun jhakjhak
dhoop dait surbhit sahyogak
nav nav snehak deep jarau.
andhan lakshmi ghar mae aanu
sabh daridrata door bhagau.
sukh sukhrati
diyabati
jagmag jagmag deep jarau.
स्रोत :
पुस्तक : हरिमोहन झा रचनावली खण्ड-4 (पृष्ठ 50)रचनाकार : हरिमोहन झा
प्रकाशन : जनसीदन प्रकाशन
संस्करण : 1999
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
