अब तौ हमहूँ दरोगा बनि जइबा हो
सबते जादा पइसा हमहूँ कमइबा हो
सब अड्डा मैंनेजर बदलिबि ढेर कमीसन लेइबि
फिरी की गाड़ी फिरी का खाना दुइ पइसा ना देइबि
चोरन कहियाँ दोस बनइबै आधा हिस्सा मिलिहै
कुछ दइ देइबि थानेदार का जो कहुँ ज्यादा पिलिहै
फिरि सब नहरि किनारे के बिरवा कटवइबा हो
अब तौ हमहूँ दरोगा बनि जइबा हो
जुआँ खेलइबै हम होनइ पर जहाँ जुँआरी कहिहैं
नाली, कब्जा, कट्टा केरे मैटर अउतइ रहिहैं
गाँजा भाँग अफीमउ बिकिहै हमरे करे इसारा
धन कुबेर का हमरे बदिका खुलहइ बड़ा पिटारा
जब हम खूब धड़ल्ले से दारू बनवइबा हो
अब तौ हमहूँ दरोगा बनि जइबा हो
कतल करइ मा लाखा परिहैं एडवाँन्सउ है आधा
लइ बन्दूख अजर्रा घूमइ बिन रिपोट बिन बाधा
पइसा वालेन का फर्जी हम पकरिके थाने लइबा
नाउ निकारइ मा लेइबि नहि तौ चालान पठइबा
थोरे दै बहादुरी पेपर मा छपवइबा हो
अब तौ हमहूँ दरोगा बनि जइबा हो
डेण्डकि दम पर कुछु कुतवन का हम भेड़हा बनवइबा
घटना कम परिहै तौ हम फिरि छेड़छाड़ करवइबा
कन्डीडेट अपन लइके फिरि गैंगरेप करवइबै
सरकारउ से जौनु मिली वहु आधा-आधा खइबै
वहउ खुस हुइ जइहै औ हमहूँ मुस्कइबा हो
अब तौ हमहूँ दरोगा बनि जइबा हो
सबसे जादा पैसा हमहू कमइबा हो
ab tau hamhun daroga bani jaiba ho
sabte jada paisa hamhun kamaiba ho
sab aDDa mainnejar badalibi Dher kamisan leibi
phiri ki gaDi phiri ka khana dui paisa na deibi
choran kahiyan dos banaibai aadha hissa milihai
kuch dai deibi thanedar ka jo kahun jyada pilihai
phiri sab nahari kinare ke birva katavaiba ho
ab tau hamhun daroga bani jaiba ho
juan khelaibai hum honai par jahan junari kahihain
nali, kabja, katta kere maitar autai rahihain
ganja bhaang aphimau bikihai hamre kare isara
dhan kuber ka hamre badika khulahai baDa pitara
jab hum khoob dhaDalle se daru banavaiba ho
ab tau hamhun daroga bani jaiba ho
katal karai ma lakha parihain eDavannsau hai aadha
lai bandukh ajarra ghumai bin ripot bin badha
paisa valen ka pharji hum pakarike thane laiba
nau nikarai ma leibi nahi tau chalan pathaiba
thore dai bahaduri pepar ma chhapavaiba ho
ab tau hamhun daroga bani jaiba ho
DenDaki dam par kuchhu kutvan ka hum bheDha banavaiba
ghatna kam parihai tau hum phiri chheDchhaD karavaiba
kanDiDet apan laike phiri gaingrep karavaibai
sarkarau se jaunu mili vahu aadha aadha khaibai
vahau khus hui jaihai au hamhun muskaiba ho
ab tau hamhun daroga bani jaiba ho
sabse jada paisa hamhu kamaiba ho
ab tau hamhun daroga bani jaiba ho
sabte jada paisa hamhun kamaiba ho
sab aDDa mainnejar badalibi Dher kamisan leibi
phiri ki gaDi phiri ka khana dui paisa na deibi
choran kahiyan dos banaibai aadha hissa milihai
kuch dai deibi thanedar ka jo kahun jyada pilihai
phiri sab nahari kinare ke birva katavaiba ho
ab tau hamhun daroga bani jaiba ho
juan khelaibai hum honai par jahan junari kahihain
nali, kabja, katta kere maitar autai rahihain
ganja bhaang aphimau bikihai hamre kare isara
dhan kuber ka hamre badika khulahai baDa pitara
jab hum khoob dhaDalle se daru banavaiba ho
ab tau hamhun daroga bani jaiba ho
katal karai ma lakha parihain eDavannsau hai aadha
lai bandukh ajarra ghumai bin ripot bin badha
paisa valen ka pharji hum pakarike thane laiba
nau nikarai ma leibi nahi tau chalan pathaiba
thore dai bahaduri pepar ma chhapavaiba ho
ab tau hamhun daroga bani jaiba ho
DenDaki dam par kuchhu kutvan ka hum bheDha banavaiba
ghatna kam parihai tau hum phiri chheDchhaD karavaiba
kanDiDet apan laike phiri gaingrep karavaibai
sarkarau se jaunu mili vahu aadha aadha khaibai
vahau khus hui jaihai au hamhun muskaiba ho
ab tau hamhun daroga bani jaiba ho
sabse jada paisa hamhu kamaiba ho
स्रोत :
पुस्तक : सिरका (अवधी गीत संग्रह) (पृष्ठ 27)रचनाकार : जगजीवन मिश्र ‘जीवन’
प्रकाशन : भगवत मेमोरियल इंटर कॉलेज समिति, मिश्रिख, सीतापुर
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
