मरजाद पूरि बीसउ बिसुवा,
हम कनउजिया बाँभन आहिन।”
थाने पर बयिठ खरे खट-कुलु
हम कनउजिया बाँभन आहिन!
दुलहिनी तीनि लरिका त्यारह,
सब भिच्छा-भवन ति पेटु भरयिं,
घर मा मूसा डंडयि प्यालयिं,
हम कनउजिंया बाँभन आहिन!
बिटिया बयिठीं बत्तिस की,
पोती बर्स अठारह की झलकीं,
मरजाद का झंडा झूलि रहा,
हम कनउजिया बाँभन आहिन!
चउथेपन चउथ बियाहे के
बिहकरा बयिठ घर का घेरे,
चउथ दिन चउथो चाल चलीं,
हम कनउजिया बाँभन आहिन!
वह स्वारह की कचनारु अयिसि,
हम सत्तरि के मूँहुँ बायि रहे,
म्वाँछन मा उकुवाई कूचिसि,
हम कनउजिया बाँभन आहिन!
बर्धन की पूँछयि अँइठि-अँइठि,
भइँसिन का लट्ठन पीटि-पीटि,
सिरमउरन का सिरमउर बँधा,
हम कनउजिया बाँभन आहिन!
लरिकऊ चरावयि हरहा, बिनुआ
कंडा बीनयिं बड़े चतुर,
दायिज के लाओ दुइ हजार,
हम कनउजिया बाँभन आहिन!
हर की मुठिया खुद गहि पायी,
तउ ख्यातन लछिमी फाटि परयि;
मुलु तीनि तिलोकु कहाँ जायी,
हम कनउजिया बाँभन आहिन!
गायित्री-मंत्रु 'भूर भूसा' जपि-जपि रोजुइ चिल्लायिति हयि,
हम कनउजिया! हम कनउजिया!! हम कनउजिया बाँभन आहिन!!!
marjad puri bisau bisuva,
ham kanaujiya banbhan aahin. ”
thane par bayith khare khat kulu
ham kanaujiya banbhan ahin!
dulahini tini larika tyarah,
sab bhichchha bhavan ti petu bharayin,
ghar ma musa DanDayi pyalayin,
hum kanaujinya banbhan ahin!
bitiya bayithin battis ki,
poti bars atharah ki jhalkin,
marjad ka jhanDa jhuli raha,
hum kanaujiya banbhan ahin!
chauthepan chauth biyahe ke
bihakra bayith ghar ka ghere,
chauth din chautho chaal chalin,
hum kanaujiya banbhan ahin!
wo svarah ki kachnaru ayisi,
hum sattari ke munhun bayi rahe,
mvanchhan ma ukuvai kuchisi,
hum kanaujiya banbhan ahin!
bardhan ki punchhayi anithi anithi,
bhainsin ka latthan piti piti,
siramauran ka siramur bandha,
hum kanaujiya banbhan ahin!
larikuu charavayi harha, binua
kanDa binayin baDe chatur,
dayij ke lao dui hajar,
hum kanaujiya banbhan ahin!
har ki muthiya khud gahi payi,
tau khyatan lachhimi phati parayi;
mulu tini tiloku kahan jayi,
hum kanaujiya banbhan ahin!
gayitri mantru bhoor bhusa japi japi rojui chillayiti hayi,
hum kanaujiya! hum kanaujiya!! hum kanaujiya banbhan ahin!!!
marjad puri bisau bisuva,
ham kanaujiya banbhan aahin. ”
thane par bayith khare khat kulu
ham kanaujiya banbhan ahin!
dulahini tini larika tyarah,
sab bhichchha bhavan ti petu bharayin,
ghar ma musa DanDayi pyalayin,
hum kanaujinya banbhan ahin!
bitiya bayithin battis ki,
poti bars atharah ki jhalkin,
marjad ka jhanDa jhuli raha,
hum kanaujiya banbhan ahin!
chauthepan chauth biyahe ke
bihakra bayith ghar ka ghere,
chauth din chautho chaal chalin,
hum kanaujiya banbhan ahin!
wo svarah ki kachnaru ayisi,
hum sattari ke munhun bayi rahe,
mvanchhan ma ukuvai kuchisi,
hum kanaujiya banbhan ahin!
bardhan ki punchhayi anithi anithi,
bhainsin ka latthan piti piti,
siramauran ka siramur bandha,
hum kanaujiya banbhan ahin!
larikuu charavayi harha, binua
kanDa binayin baDe chatur,
dayij ke lao dui hajar,
hum kanaujiya banbhan ahin!
har ki muthiya khud gahi payi,
tau khyatan lachhimi phati parayi;
mulu tini tiloku kahan jayi,
hum kanaujiya banbhan ahin!
gayitri mantru bhoor bhusa japi japi rojui chillayiti hayi,
hum kanaujiya! hum kanaujiya!! hum kanaujiya banbhan ahin!!!
स्रोत :
पुस्तक : पढ़ीस ग्रंथावली (पृष्ठ 135)संपादक : डॉ. रामविलास शर्मा, युक्तिभद्र दीक्षित रचनाकार : बलभद्रप्रसाद दीक्षित 'पढ़ीस'
प्रकाशन : उत्तर प्रदेश हिन्दी संस्थान, लखनऊ
संस्करण : 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
