हम, हमरा से पूछऽ, हम ना लेब दहेज!
बाबू? बाबू के हीमत कि दहेज माँग दीहें?
माई? माई के दिन कि दहेज राख लीहें?
काट के फेंक देब!
हम, हमरा से पूछऽ, हम ना लेब दहेज!
अगुआ के हीमत कि दहेज देबे अइहें?
आगि में सेंक देब।
तिलकहरुन के दिन कि सिकड़ी घड़ी चढ़इहें?
सिवाने प छेंक लेब।
हम, हमरा से पूछऽ, हम ना लेब दहेज!
बाकी हम
हम करीं त का करीं
केहू हमरा बियाह के बात लेके
आबे त सही!
स्रोत :
- पुस्तक : बेटी मरे त मरे कुँआर [भोजपुरी कविता-संग्रह] (पृष्ठ 32)
- रचनाकार : प्रकाश उदय
- प्रकाशन : कौशल्या प्रकाशन, आरा
- संस्करण : 1988
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
