हम कुसिआरक चूसल सिट्ठी छी
ने बाँचल अछि कोनो रस
ने आब कोनो (खट वा) मिट्ठी छी
नूड़-गोबरौड़क संग लेढ़ायल
गोदौस जकाँ कातमे बेढ़ायल
आब हम धरतीक शाप छी
हम अथइ बूढ़ बाप छी।
हम आब जमीनसँ कटल छी
कतेको छोट-छोट टोनमे बँटल छी
जाधरि सौंस छलहुँ
सौंसे घरक बौस छलहुँ
आब केओ ने टेरैअए
फूटलिओ आँखिए
नहि केओ हेरैअए
हम समूचा घरक पाप छी
हम अथइ बूढ़ बाप छी।
जा पात हरिअर छल
रोब-दाब करिअल छल
सबकेँ रसक लोभ छलै
सबहक सेहन्ता पूर भेलै
दुनू हाथें अपन सबटा लुटाकऽ
अपने हाथें स्वयंकेँ मिटाकऽ
श्वेत वस्त्रपर खसल
एकटा बदरंग छाप छी
हम अथइ बूढ़ बाप छी।
हमरे जड़िसँ सबटा
कनोजड़ि पनघल अछि
मुदा ओ नहि टेरैए हमरा
अपन गुमानमे सनकल अछि।
ओकरा गन्ध लगै छै हमर देहसँ
ओकरा नहि पड़ै छै मोन
पोसलिअइ कते नेहसँ
नहि बुझैए एखन जे
एकदिन सब जोआइए
खाँहें गुड़ बनओ कि चीनी
समयक मशीनमे अबस्से पेड़ाइए।
आब बाजिएकऽ हैत की
हम फूटल मृदंगक थाप छी
हम अथइ बूढ़ बाप छी।
hum kusiarak chusal sitthi chhi
ne banchal achhi kono ras
ne aab kono (khat va) mitthi chhi
nooD gobrauDak sang leDhayal
godaus jakan katme beDhayal
aab hum dhartik shaap chhi
hum athai booDh baap chhi.
hum aab jaminasan katal chhi
kateko chhot chhot tonme bantal chhi
jadhari sauns chhalahun
saunse gharak baus chhalahun
aab keo ne teraiae
phutalio ankhiye
nahi keo heraiae
hum samucha gharak paap chhi
hum athai booDh baap chhi.
ja paat hariar chhal
rob daab karial chhal
sabken rasak lobh chhalai
sabhak sehanta poor bhelai
dunu hathen apan sabta lutakऽ
apne hathen svyanken mitakऽ
shvet vastrpar khasal
ekta badrang chhaap chhi
hum athai booDh baap chhi.
hamre jaDisan sabta
kanojaDi panghal achhi
muda o nahi teraiye hamra
apan gumanme sankal achhi.
okra gandh lagai chhai hamar dehasan
okra nahi paDai chhai mon
posaliai kate nehasan
nahi bujhaiye ekhan je
ekdin sab joaiye
khanhen guD banao ki chini
samyak mashinme abasse peDaiye.
aab bajiyekऽ hait ki
hum phutal mridangak thaap chhi
hum athai booDh baap chhi.
hum kusiarak chusal sitthi chhi
ne banchal achhi kono ras
ne aab kono (khat va) mitthi chhi
nooD gobrauDak sang leDhayal
godaus jakan katme beDhayal
aab hum dhartik shaap chhi
hum athai booDh baap chhi.
hum aab jaminasan katal chhi
kateko chhot chhot tonme bantal chhi
jadhari sauns chhalahun
saunse gharak baus chhalahun
aab keo ne teraiae
phutalio ankhiye
nahi keo heraiae
hum samucha gharak paap chhi
hum athai booDh baap chhi.
ja paat hariar chhal
rob daab karial chhal
sabken rasak lobh chhalai
sabhak sehanta poor bhelai
dunu hathen apan sabta lutakऽ
apne hathen svyanken mitakऽ
shvet vastrpar khasal
ekta badrang chhaap chhi
hum athai booDh baap chhi.
hamre jaDisan sabta
kanojaDi panghal achhi
muda o nahi teraiye hamra
apan gumanme sankal achhi.
okra gandh lagai chhai hamar dehasan
okra nahi paDai chhai mon
posaliai kate nehasan
nahi bujhaiye ekhan je
ekdin sab joaiye
khanhen guD banao ki chini
samyak mashinme abasse peDaiye.
aab bajiyekऽ hait ki
hum phutal mridangak thaap chhi
hum athai booDh baap chhi.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 74)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
