अइसी आइल कठिन समइया हे बाबू
चारिउ ओरिया खड़े कसइया हे बाबू।
देखो तो विकास केतना पगलाइ गवा
मुरगा जइसे कटैं मनइया हे बाबू।
डीजल अउर पेटरोल में देखौ आग लगी
उड़ै अकासे में महँगइया हे बाबू।
उहीं देखावा सीना जहाँ न खतरा होइ
समझि बूझि के करौ ढिठइया हे बाबू।
कुकुरे के तौ मैडम राखइँ कूलर मा
सास ससुर के टुटी मड़इया हे बाबू।
आपन बोली भाखा सबसे नीक अहै
अँगरेजी के करौ बिदइया हे बाबू।
आइ गवा स्मार्टफोन हर हाथन मा
फेसबूक पे बढ़ी मितइया हे बाबू।
बेटवा कहै बिआहे में चरपहिया लेब
पइसौ भर के नहीं कमइया हे बाबू।
गाँव विकास के जेहि दिन से अभियान चला
गायब होइ गए ताल तलइया हे बाबू।
गुंडा अपराधी संसद में पहुँचि गए
सब जनता के खून चूसइया हे बाबू।
सहर घुसि गवा गाँव में सत्यानास भवा
मूतइ हगइ के लगै रुपइया हे बाबू।
aisi aail kathin samaiya he babu
chariu oriya khaDe kasaiya he babu.
dekho to vikas ketna paglai gava
murga jaise katain manaiya he babu.
Dijal aur petrol mein dekhau aag lagi
uDai akase mein mahangiya he babu.
uhin dekhava sina jahan na khatra hoi
samajhi bujhi ke karau Dhithaiya he babu.
kukure ke tau maiDam rakhain kular ma
saas sasur ke tuti maDaiya he babu.
aapan boli bhakha sabse neek ahai
angreji ke karau bidaiya he babu.
aai gava smartphon har hathan ma
phesbuk pe baDhi mitaiya he babu.
betva kahai biahe mein charapahiya leb
paisau bhar ke nahin kamaiya he babu.
gaanv vikas ke jehi din se abhiyan chala
gayab hoi ge taal talaiya he babu.
gunDa apradhi sansad mein pahunchi ge
sab janta ke khoon chusaiya he babu.
sahar ghusi gava gaanv mein satyanas bhava
mutai hagai ke lagai rupaiya he babu.
aisi aail kathin samaiya he babu
chariu oriya khaDe kasaiya he babu.
dekho to vikas ketna paglai gava
murga jaise katain manaiya he babu.
Dijal aur petrol mein dekhau aag lagi
uDai akase mein mahangiya he babu.
uhin dekhava sina jahan na khatra hoi
samajhi bujhi ke karau Dhithaiya he babu.
kukure ke tau maiDam rakhain kular ma
saas sasur ke tuti maDaiya he babu.
aapan boli bhakha sabse neek ahai
angreji ke karau bidaiya he babu.
aai gava smartphon har hathan ma
phesbuk pe baDhi mitaiya he babu.
betva kahai biahe mein charapahiya leb
paisau bhar ke nahin kamaiya he babu.
gaanv vikas ke jehi din se abhiyan chala
gayab hoi ge taal talaiya he babu.
gunDa apradhi sansad mein pahunchi ge
sab janta ke khoon chusaiya he babu.
sahar ghusi gava gaanv mein satyanas bhava
mutai hagai ke lagai rupaiya he babu.
स्रोत :
पुस्तक : अलगौझी (पृष्ठ 79)रचनाकार : मोहनलाल यादव
प्रकाशन : हंस प्रकाशन, नई दिल्ली
संस्करण : 2023
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
