मोन हमर शरत-प्रात, प्राण हमर हरसिंगार।
झड़ झड़ झड़य सुमन, मँह मँह मँह मँह पथार।
मन्द-मन्द मलय पवन;
सुरभित उपवन, वन-वन।
मादक मोहक प्रसाद
बाँटि रहल भवन-भवन।
आँगन-आँगन सुवास बहय सरस सुरुचि धार।
मोन हमर शरत-प्रात, प्राण हमर हरसिंगार।
उगिते अरुणिम बिहान,
सुनिते श्रुति विहग-गान;
विकसय सुखसँ बिभोर
सूर्यमुखी हमर प्राण।
पँखुड़ी-पँखुड़ी बिहँसय फूलल अन्तर अपार।
मोन हमर शरत-प्रात, प्राण हमर हरसिंगार।
उत्सव ई रंगारंग!
लाख-लाख मधु-प्रसंग!
लाख-लाख मधु-प्रसंग!
गुंजन कऽ रहल मधुप,
बाजि रहल जल-तरंग।
एक-एक किरण-तार-सुरमे सय सय सितार।
मोन हमर शरत-प्रात, प्राण हमर हरसिंगार।
जे अयबह, आबि जाह,
बिनु मँगने लोढ़ैं जाह।
आंचर-भरि गम-गम
गमकैत गगन ओढ़ैं जाह।
आइ पुहुप-प्रीति-भोज, सबकेँ सब ठाँ हँकार।
मोन हमर शरत-प्रात, प्राण हमर हरसिंगार।
नाम-गाम बिसरि जाह।
काम-काजसँ पड़ाह।
भावनाक गंगा बहि
रहलि, डूबि कऽ नहाह।
जानय संयोग एहन हयतह की पुनि उदार?
मोन हमर शरत-प्रात, प्राण हमर हरसिंगार।
mon hamar sharat praat, praan hamar harsingar.
jhaD jhaD jhaDay suman, manh manh manh manh pathar.
mand mand malay pavan;
surbhit upvan, van van.
madak mohak parsad
banti rahal bhavan bhavan.
angan angan suvas bahay saras suruchi dhaar.
mon hamar sharat praat, praan hamar harsingar.
ugite arunim bihan,
sunite shruti vihag gaan;
viksay sukhasan bibhor
suryamukhi hamar praan.
pankhuDi pankhuDi bihnsay phulal antar apar.
mon hamar sharat praat, praan hamar harsingar.
utsav ii rangarang!
laakh laakh madhu prsang!
laakh laakh madhu prsang!
gunjan kaऽ rahal madhup,
baji rahal jal tarang.
ek ek kiran taar surme say say sitar.
mon hamar sharat praat, praan hamar harsingar.
je aybah, aabi jaah,
binu mangane loDhain jaah.
anchar bhari gam gam
gamkait gagan oDhain jaah.
aai puhup priti bhoj, sabken sab thaan hankar.
mon hamar sharat praat, praan hamar harsingar.
naam gaam bisari jaah.
kaam kajasan paDah.
bhavnak ganga bahi
rahali, Dubi kaऽ nahah.
janay sanyog ehan haytah ki puni udaar?
mon hamar sharat praat, praan hamar harsingar.
mon hamar sharat praat, praan hamar harsingar.
jhaD jhaD jhaDay suman, manh manh manh manh pathar.
mand mand malay pavan;
surbhit upvan, van van.
madak mohak parsad
banti rahal bhavan bhavan.
angan angan suvas bahay saras suruchi dhaar.
mon hamar sharat praat, praan hamar harsingar.
ugite arunim bihan,
sunite shruti vihag gaan;
viksay sukhasan bibhor
suryamukhi hamar praan.
pankhuDi pankhuDi bihnsay phulal antar apar.
mon hamar sharat praat, praan hamar harsingar.
utsav ii rangarang!
laakh laakh madhu prsang!
laakh laakh madhu prsang!
gunjan kaऽ rahal madhup,
baji rahal jal tarang.
ek ek kiran taar surme say say sitar.
mon hamar sharat praat, praan hamar harsingar.
je aybah, aabi jaah,
binu mangane loDhain jaah.
anchar bhari gam gam
gamkait gagan oDhain jaah.
aai puhup priti bhoj, sabken sab thaan hankar.
mon hamar sharat praat, praan hamar harsingar.
naam gaam bisari jaah.
kaam kajasan paDah.
bhavnak ganga bahi
rahali, Dubi kaऽ nahah.
janay sanyog ehan haytah ki puni udaar?
mon hamar sharat praat, praan hamar harsingar.
स्रोत :
पुस्तक : सूर्यमुखी (पृष्ठ 11)रचनाकार : आरसी प्रसाद सिंह
प्रकाशन : मैथिली अकादमी, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
