फलाने हारि गये परधानी, फलाने हारि गये परधानी
कहइ मेहेरिया अब का करिहौ हमरे दिलबर जानी
फलाने हारि गये परधानी...
रासन पेन्सन केरोसिन कालोनि’म भई खवाई
रोजगार सेवक यह खेती आधेप लिहिसि बटाई
नाली सरिया गिट्टी खाइनि औरु खड़न्जा खाइनि
बर्तन भड़वा गैस वजीफा मिड्डे मील चबाइनि
औरु नरेगा के तलवन का पेइ गये सबु पानी
फलाने हारि गये परधानी...
हर दुइ नम्बर के धन्धा मा इनकी ठेकेदारी
थाना औरु बिलाक कचेहरि’म चमकइ थानेदारी
दारु अण्डा मीट उड़ावइँ औ चौपहिया झ्वाँकइँ
करइ सिकाइति कोई निकरइ तउ राहइ मा रवाँकइँ
औरु बोलावइँ रोजु बिटेउनी एक से एक जवानी
फलाने हारि गये परधानी...
फिरते नम्बरु हइ चुनाव का पाँइ छुवउअरि चालू
कोइ’कि घर नलु ईंटा पहुँचइ कोइ’कि घर का बालू
खाना पीना हुवइँ प सूतइँ खर्च’कि रुपया लीन्हिनि
दूरि रहँइ तइ दूरि रहे कुछु अपनेउ ध्वाखा दीन्हिनि
साथ रहइँ तइ हाँथु देखाइनि अपनि निकारिनि घानी
फलाने हारि गये परधानी...
देवी देउता लाग मनावइ नाचु कूदु करवावइँ
परसादन मा लड्डू बाँटइ मुलउ असरु ना पावइँ
क्षमादान लोगन ते माँगइ खूबइ कसमइ खाइसि
जेतनी रहइँ उम्मीदइ वहिकी वोट चउथिया पाइसि
अम्मा बहिनी दौरि-दौरि के जब घर-घर रिरियानी
फलाने हारि गये परधानी
हारि हूरि बाहेर निकरे सब होनी देनी हुइगइ
तमतमाइ अपनेम गरियावइँ जइसे बिजुली छुइगइ
दुसरी वर का दगइँ पटक्का बाँटी जाइ मिठाई
हारे वाले अइस भगे हइँ जनउ सुनामी आई
कहिसि हरइला हमरे संग मा खूब भई बेइमानी
फलाने हारि गये परधानी
phalane hari gaye pardhani, phalane hari gaye pardhani
kahai meheriya ab ka karihau hamre dilbar jani
phalane hari gaye pardhani. . .
rasan pensan kerosin kaloni’ma bhai khavai
rojagar sevak ye kheti adhep lihisi batai
nali sariya gitti khaini auru khaDanja khaini
bartan bhaDva gais vajipha miDDe meel chabaini
auru narega ke talvan ka pei gaye sabu pani
phalane hari gaye pardhani. . .
har dui nambar ke dhandha ma inki thekedari
thana auru bilak kachehari’ma chamakai thanedari
daru anDa meet uDavain au chaupahiya jhvankain
karai sikaiti koi nikarai tau rahai ma ravankain
auru bolavain roju biteuni ek se ek javani
phalane hari gaye pardhani. . .
phirte nambaru hai chunav ka pani chhuvauari chalu
koi’ki ghar nalu iinta pahunchai koi’ki ghar ka balu
khana pina huvain pa sutain kharch’ki rupya linhini
duri rahani tai duri rahe kuchhu apneu dhvakha dinhini
saath rahain tai hanthu dekhaini apani nikarini ghani
phalane hari gaye pardhani. . .
devi deuta laag manavai nachu kudu karvavain
parsadan ma laDDu bantai mulau asaru na pavain
kshmadan logan te mangai khubai kasamai khaisi
jetni rahain ummidai vahiki vot chauthiya paisi
amma bahini dauri dauri ke jab ghar ghar ririyani
phalane hari gaye pardhani
hari huri baher nikre sab honi deni huigai
tamatmai apnem gariyavain jaise bijuli chhuigai
dusri var ka dagain patakka banti jai mithai
hare vale ais bhage hain janau sunami aai
kahisi haraila hamre sang ma khoob bhai beimani
phalane hari gaye pardhani
phalane hari gaye pardhani, phalane hari gaye pardhani
kahai meheriya ab ka karihau hamre dilbar jani
phalane hari gaye pardhani. . .
rasan pensan kerosin kaloni’ma bhai khavai
rojagar sevak ye kheti adhep lihisi batai
nali sariya gitti khaini auru khaDanja khaini
bartan bhaDva gais vajipha miDDe meel chabaini
auru narega ke talvan ka pei gaye sabu pani
phalane hari gaye pardhani. . .
har dui nambar ke dhandha ma inki thekedari
thana auru bilak kachehari’ma chamakai thanedari
daru anDa meet uDavain au chaupahiya jhvankain
karai sikaiti koi nikarai tau rahai ma ravankain
auru bolavain roju biteuni ek se ek javani
phalane hari gaye pardhani. . .
phirte nambaru hai chunav ka pani chhuvauari chalu
koi’ki ghar nalu iinta pahunchai koi’ki ghar ka balu
khana pina huvain pa sutain kharch’ki rupya linhini
duri rahani tai duri rahe kuchhu apneu dhvakha dinhini
saath rahain tai hanthu dekhaini apani nikarini ghani
phalane hari gaye pardhani. . .
devi deuta laag manavai nachu kudu karvavain
parsadan ma laDDu bantai mulau asaru na pavain
kshmadan logan te mangai khubai kasamai khaisi
jetni rahain ummidai vahiki vot chauthiya paisi
amma bahini dauri dauri ke jab ghar ghar ririyani
phalane hari gaye pardhani
hari huri baher nikre sab honi deni huigai
tamatmai apnem gariyavain jaise bijuli chhuigai
dusri var ka dagain patakka banti jai mithai
hare vale ais bhage hain janau sunami aai
kahisi haraila hamre sang ma khoob bhai beimani
phalane hari gaye pardhani
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
