अब नाउँ मिटा ठंढक का
गरमी का मौसमु आवा
करि दिहिसि तेजु कम ससि का
सुरजन का दिहिसि बढ़ावा।
सुरजन ते ब्वाला-भइया!
अब राजि हमारी आई,
तुम छुट्टा ह्वै के घूमौ
परदा का देउ हटाई।
गद्दी ऋतुपति ते छीनिसि
औरंगजेब बनि बैठा,
मानौं चिरियन के दल मा
क्वै बाजु बेधड़क पैठा।
भौंरा ढैूढै पुरइन का,
बिरहिनी क्वैलिया कूकै;
वह सीतल-मंद सुगंधित
सब हवा बनि गई लूकै।
सुरजन ते आगी बरसै,
लागी धरती मा आगीं,
सब जीव गरम ते ब्याकुल
कहि रहे कहाँ का भागी?
बिल्लाइ प्रकृति बेचारी
मधुमय ऋतुराज कहाँ है?
क्वैली! कहि दे अब तोरा
बहु सुख का साजु कहाँ है?
तोरी कू कू की धुनि मा
अब तनिकौ नहीं मिठाई
ग्रीषमु! झट भागु हिंया ते
ना चलें तोरि बपदाई।
ओ अलि द्यौता! का तुमरौ
कुच्छौ न जोरु चलि पावा
तुमसे रूठे हैं सुरजौ
ना पानिउ का तुइ भावा।
ब्बालौ टेसु औ स्यमरौ
का तुमरी आगी बुतिगै?
खरु! आँकु! ढाँख! औ दुद्धिउ!
ब्वालौ का छाती भरिगै?
अब समुझि गयन है हमहूँ
सब बड़े छोटि का काटैं
ज्यत्ती ऋतु घर मा आवैं
सब हमरै सब कुछु चाटैं।
ab naun mita thanDhak ka
garmi ka mausamu aava
kari dihisi teju kam sasi ka
surjan ka dihisi baDhava.
surjan te bvala bhaiya!
ab raji hamari aai,
tum chhutta hvai ke ghumau
parda ka deu hatai.
gaddi ritupati te chhinisi
aurangjeb bani baitha,
manaun chiriyan ke dal ma
kvai baju bedhaDak paitha.
bhaunra DhaiuDhai purin ka,
birahini kvailiya kukai;
wo sital mand sugandhit
sab hava bani gai lukai.
surjan te aagi barasai,
lagi dharti ma agin,
sab jeev garam te byakul
kahi rahe kahan ka bhagi?
billai prkriti bechari
madhumay rituraj kahan hai?
kvaili! kahi de ab tora
bahu sukh ka saju kahan hai?
tori ku ku ki dhuni ma
ab tanikau nahin mithai
grishamu! jhat bhagu hinya te
na chalen tori bapdai.
o ali dyauta! ka tumrau
kuchchhau na joru chali pava
tumse ruthe hain surjau
na paniu ka tui bhava.
bbalau tesu au syamrau
ka tumri aagi butigai?
kharu! anku! Dhaankh! au duddhiu!
bvalau ka chhati bharigai?
ab samujhi gayan hai hamhun
sab baDe chhoti ka katain
jyatti ritu ghar ma avain
sab hamarai sab kuchhu chatain.
ab naun mita thanDhak ka
garmi ka mausamu aava
kari dihisi teju kam sasi ka
surjan ka dihisi baDhava.
surjan te bvala bhaiya!
ab raji hamari aai,
tum chhutta hvai ke ghumau
parda ka deu hatai.
gaddi ritupati te chhinisi
aurangjeb bani baitha,
manaun chiriyan ke dal ma
kvai baju bedhaDak paitha.
bhaunra DhaiuDhai purin ka,
birahini kvailiya kukai;
wo sital mand sugandhit
sab hava bani gai lukai.
surjan te aagi barasai,
lagi dharti ma agin,
sab jeev garam te byakul
kahi rahe kahan ka bhagi?
billai prkriti bechari
madhumay rituraj kahan hai?
kvaili! kahi de ab tora
bahu sukh ka saju kahan hai?
tori ku ku ki dhuni ma
ab tanikau nahin mithai
grishamu! jhat bhagu hinya te
na chalen tori bapdai.
o ali dyauta! ka tumrau
kuchchhau na joru chali pava
tumse ruthe hain surjau
na paniu ka tui bhava.
bbalau tesu au syamrau
ka tumri aagi butigai?
kharu! anku! Dhaankh! au duddhiu!
bvalau ka chhati bharigai?
ab samujhi gayan hai hamhun
sab baDe chhoti ka katain
jyatti ritu ghar ma avain
sab hamarai sab kuchhu chatain.
स्रोत :
पुस्तक : अरघान (पृष्ठ 45)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
