अहं केर चिड़ैनियाँ
चानि पर नचैत
घिरनी जकाँ नचबैत
कुंठाक मकड़जाली
दुनू आँखि केँ छाड़ने
दृष्टि-पथ अन्हरायल
अयना मे मात्र अपना केँ देखैत
भोरे भोर
लोटा ल’ क’ पोखरि दिस जाइत
जँ केओ देखा गेल
त’ पेट मे बाइ उखड़ि गेल
ओकरा घर मे
राति भानस भेलइए…
ककरो देह पर
जँ देखा गेल नव वस्त्र
त’ स्वयं भ’ गेलहुँ निर्वस्त्र
अवश्य चोरि कयने हैत…
ककरो घर मे
जँ देखा गेल बरैत दीप
त’ देह मे पसाहि लागि गेल
ओकरा तेल एलइ कत’ सँ…
तुलसी चौड़ा लग गाड़ल
हनुमानजीक ध्वजा
ककरो आँगनक शीर्ष पर
जँ देखा गेल फहराइत
त’ भ्रमक भौँरा बीन्हि लेलक
ओकर पतक्खा किएक फहरायल…
एकपहरीक बेटी
दुपहरी जकाँ
सभ केँ बूझब
अपना सँ न्यून
एक तामा दालि मे
दू तामा नून
एक तामा दालि मे
दू तामा नून
ahan ker chiDainiya
chani par nachait
ghirni jakan nachbait
kunthak makaDjali
dunu ankhi ken chhaDne
drishti path anhrayal
ayna mae maatr apna ken dekhait
bhore bhor
lota la’ ka’ pokhari dis jait
jan keo dekha gel
ta’ pet mae bai ukhaDi gel
okra ghar mae
rati bhanas bhelaiye…
kakro deh par
jan dekha gel nav vastra
ta’ svayan bha’ gelahun nirvastr
avashya chori kayne hait…
kakro ghar mae
jan dekha gel barait deep
ta’ deh mae pasahi lagi gel
okra tel elai kat’ san…
tulsi chauDa lag gaDal
hanumanjik dhvaja
kakro anganak sheersh par
jan dekha gel phahrait
ta’ bhrmak bhaunra binhi lelak
okar patakkha kiyek phahrayal…
ekapahrik beti
dupahri jakan
sabh ken bujhab
apna san nyoon
ek tama dali mae
du tama noon
ek tama dali mae
du tama noon
ahan ker chiDainiya
chani par nachait
ghirni jakan nachbait
kunthak makaDjali
dunu ankhi ken chhaDne
drishti path anhrayal
ayna mae maatr apna ken dekhait
bhore bhor
lota la’ ka’ pokhari dis jait
jan keo dekha gel
ta’ pet mae bai ukhaDi gel
okra ghar mae
rati bhanas bhelaiye…
kakro deh par
jan dekha gel nav vastra
ta’ svayan bha’ gelahun nirvastr
avashya chori kayne hait…
kakro ghar mae
jan dekha gel barait deep
ta’ deh mae pasahi lagi gel
okra tel elai kat’ san…
tulsi chauDa lag gaDal
hanumanjik dhvaja
kakro anganak sheersh par
jan dekha gel phahrait
ta’ bhrmak bhaunra binhi lelak
okar patakkha kiyek phahrayal…
ekapahrik beti
dupahri jakan
sabh ken bujhab
apna san nyoon
ek tama dali mae
du tama noon
ek tama dali mae
du tama noon
स्रोत :
पुस्तक : चानन घन गछिया (पृष्ठ 94)रचनाकार : विवेकानन्द ठाकुर
प्रकाशन : विवेकानन्द ठाकुर
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
