रामदेस की नइया, कस मझधार।
डारउ तनिक निगहिया, लागइ पार॥1॥
कहाँ छीर मा स्वावउ, बरखुरदार।
देस-कोष का लूटइँ, चौकिदार॥2॥
नदिया लावइ पानी, पी खुद जाइ।
ख्यात परे सब सूखइँ, तरु कुम्हिलाइ॥3॥
बादर गइजइँ तरजइँ, बरसइँ नाँहि।
पपिहा मरइ पियासा, ताल सुखाँहि॥4॥
दीनबन्धु कहवावउ, दयानिधान।
दीन मरइ बिन रोजी, ख्वावइ प्रान॥5॥
दीनबन्धु तुम उल्टउ, अधम विधान।
पिक का पूछइ कोइन, काग महान॥6॥
किहेउ विधाता कस यहु, तोरु-मरोरु।
भैंसि वहे की जेहि की, लाठिम जोरु॥7॥
अद्रा, पुष्य, पुनरबस, बरसइँ आगि।
सोइ रहेउ तुम जगपति, जातिउ जागि॥8॥
हार भये अब सँपवा, गरु डसि खाँइ।
का प्रतीति के जरिगे, दोनउँ पाँइ॥9॥
उगिलइ आगि चँरदमा, सुर्ज अँध्यार।
मछरी बैठि बिरउना, पिक मझधार॥10॥
कागा पूजन देखिक, पिकी उदास।
चहुँ दिसि दधि के रुपम, बिकै कपास॥11॥
ramdes ki naiya, kas majhdhar.
Darau tanik nigahiya, lagai paar॥1॥
kahan chheer ma svavau, barkhurdar.
des kosh ka lutain, chaukidar॥2॥
nadiya lavai pani, pi khud jai.
khyaat pare sab sukhain, taru kumhilai॥3॥
badar gaijain tarajain, barasain nanhi.
papiha marai piyasa, taal sukhanhi॥4॥
dinbandhu kahvavau, dayanidhan.
deen marai bin roji, khvavai praan॥5॥
dinbandhu tum ultau, adham vidhan.
pik ka puchhai koin, kaag mahan॥6॥
kiheu vidhata kas yahu, toru maroru.
bhainsi vahe ki jehi ki, lathim joru॥7॥
adra, pushya, punarbas, barasain aagi.
soi raheu tum jagapati, jatiu jagi॥8॥
haar bhaye ab sanpava, garu Dasi khani.
ka pratiti ke jarige, donaun pani॥9॥
ugilai aagi chanradama, surj andhyar.
machhri baithi birauna, pik majhdhar॥10॥
kaga pujan dekhik, piki udaas.
chahun disi dadhi ke rupam, bikai kapas॥11॥
ramdes ki naiya, kas majhdhar.
Darau tanik nigahiya, lagai paar॥1॥
kahan chheer ma svavau, barkhurdar.
des kosh ka lutain, chaukidar॥2॥
nadiya lavai pani, pi khud jai.
khyaat pare sab sukhain, taru kumhilai॥3॥
badar gaijain tarajain, barasain nanhi.
papiha marai piyasa, taal sukhanhi॥4॥
dinbandhu kahvavau, dayanidhan.
deen marai bin roji, khvavai praan॥5॥
dinbandhu tum ultau, adham vidhan.
pik ka puchhai koin, kaag mahan॥6॥
kiheu vidhata kas yahu, toru maroru.
bhainsi vahe ki jehi ki, lathim joru॥7॥
adra, pushya, punarbas, barasain aagi.
soi raheu tum jagapati, jatiu jagi॥8॥
haar bhaye ab sanpava, garu Dasi khani.
ka pratiti ke jarige, donaun pani॥9॥
ugilai aagi chanradama, surj andhyar.
machhri baithi birauna, pik majhdhar॥10॥
kaga pujan dekhik, piki udaas.
chahun disi dadhi ke rupam, bikai kapas॥11॥
स्रोत :
पुस्तक : घास के घरउँदे (पृष्ठ 25)रचनाकार : श्यामसुंदर मिश्र ‘मधुप’
प्रकाशन : आत्माराम एण्ड संस, कश्मीरी गेट, दिल्ली
संस्करण : 1991
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
