अनहोनी होवइ दिन’हूँ मा लगइ कुबेरिया है
तउ भइया यहु जानि लेहेउ कुछु दालि मा करिया है
मारे जीपन का ताँता जब गाँउ मा आइ गवा
गाँउ स्वर्ग मिन्टन मा हुइगा उनहुक भाइ गवा
सड़कर चमचमाइँ सगरी औ महकति नरिया है
तउ भइया यहु जानि लेहेउ कुछु दालि मा करिया है
बहुत दिनन तक मउज करिनि सोचिनि कुछु ना बिगरी
नेता जी की मेहरी—तउ घर ते’उ ना निकरी
लेकिन चौराहेन पर देखेउ छपी बहुरिया है
तउ भइया यहु जानि लेहेउ कुछु दालि मा करिया है
पाँच साल रगरिनि कुछु का रगराइनि भाड़े से
कुछु भूँखेन मरिगे घरु लुटिगा जिन्दा गाड़ेगे
अब एकदम जनहित वाली गर खुली पेटरिया है
तउ भइया यहु जानि लेहेउ कुछु दालि मा करिया है
घरमा सारेन के संघी ससुरारि ते आइ गये
खातिरदारी खूब भई परि के औंधाइ गये
मुल दिनहूँ, मइहाँ गर देखेउ बन्द कोठरिया है
तउ भइया यहु जानि लेहेउ कुछु दालि मा करिया है
उपदेसी हइँ नीक काम की राह बतावति हैं
काम-क्रोध-मद मोह तजउ यहु भजनउ गावति हैं
तुम देखेउ जो महराजइ की मइलि चदरिया है
तउ भइया यहु जानि लेहेउ कुछु दालि मा करिया है
अगर परोसी सजि धजि के खूबइ भभियावति है
लरिका कनियाँ मा लइके कुछु चीज देवावति है
रहइ करकसा मुल घिउ हुइ गइ अगर मेंहेरिया है
तउ भइया यहु जानि लेहेउ कुछु दालि मा करिया है
anhoni hovai din’hun ma lagai kuberiya hai
tau bhaiya yahu jani leheu kuchhu dali ma kariya hai
mare jipan ka tanta jab ganu ma aai gava
ganu svarg mintan ma huiga unhuk bhai gava
saDkar chamachmain sagri au mahakati nariya hai
tau bhaiya yahu jani leheu kuchhu dali ma kariya hai
bahut dinan tak mauj karini sochini kuchhu na bigri
neta ji ki mehari—tau ghar te’u na nikri
lekin chaurahen par dekheu chhapi bahuriya hai
tau bhaiya yahu jani leheu kuchhu dali ma kariya hai
paanch saal ragarini kuchhu ka ragraini bhaDe se
kuchhu bhunkhen marige gharu lutiga jinda gaDege
ab ekdam janhit vali gar khuli petariya hai
tau bhaiya yahu jani leheu kuchhu dali ma kariya hai
gharma saren ke sanghi sasurari te aai gaye
khatirdari khoob bhai pari ke aundhai gaye
mul dinhun, maihan gar dekheu band kothariya hai
tau bhaiya yahu jani leheu kuchhu dali ma kariya hai
updesi hain neek kaam ki raah batavati hain
kaam krodh mad moh tajau yahu bhajanau gavati hain
tum dekheu jo mahrajai ki maili chadariya hai
tau bhaiya yahu jani leheu kuchhu dali ma kariya hai
agar parosi saji dhaji ke khubai bhabhiyavati hai
larika kaniyan ma laike kuchhu cheej devavati hai
rahai karaksa mul ghiu hui gai agar menheriya hai
tau bhaiya yahu jani leheu kuchhu dali ma kariya hai
anhoni hovai din’hun ma lagai kuberiya hai
tau bhaiya yahu jani leheu kuchhu dali ma kariya hai
mare jipan ka tanta jab ganu ma aai gava
ganu svarg mintan ma huiga unhuk bhai gava
saDkar chamachmain sagri au mahakati nariya hai
tau bhaiya yahu jani leheu kuchhu dali ma kariya hai
bahut dinan tak mauj karini sochini kuchhu na bigri
neta ji ki mehari—tau ghar te’u na nikri
lekin chaurahen par dekheu chhapi bahuriya hai
tau bhaiya yahu jani leheu kuchhu dali ma kariya hai
paanch saal ragarini kuchhu ka ragraini bhaDe se
kuchhu bhunkhen marige gharu lutiga jinda gaDege
ab ekdam janhit vali gar khuli petariya hai
tau bhaiya yahu jani leheu kuchhu dali ma kariya hai
gharma saren ke sanghi sasurari te aai gaye
khatirdari khoob bhai pari ke aundhai gaye
mul dinhun, maihan gar dekheu band kothariya hai
tau bhaiya yahu jani leheu kuchhu dali ma kariya hai
updesi hain neek kaam ki raah batavati hain
kaam krodh mad moh tajau yahu bhajanau gavati hain
tum dekheu jo mahrajai ki maili chadariya hai
tau bhaiya yahu jani leheu kuchhu dali ma kariya hai
agar parosi saji dhaji ke khubai bhabhiyavati hai
larika kaniyan ma laike kuchhu cheej devavati hai
rahai karaksa mul ghiu hui gai agar menheriya hai
tau bhaiya yahu jani leheu kuchhu dali ma kariya hai
स्रोत :
पुस्तक : सिरका (अवधी गीत संग्रह) (पृष्ठ 11)रचनाकार : जगजीवन मिश्र ‘जीवन’
प्रकाशन : भगवत मेमोरियल इंटर कॉलेज समिति, मिश्रिख, सीतापुर
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
