कहू बात की? देखि किछु ने फुरैये
अजगुत देखै छी, छगुन्ता लगैये
जे ढोंग पसारय जनैये से जग मे पुजबैये
बड़का- बड़का पाखंडी सभ भगवान कहबैये
जे सत्य बजै अछि से सभतरि गर्दनिया पबैये
जे नीक लोक से आजुक युग मे बुड़बक कहबैये
जे माखन लगबय जनैये, से घृत पिबैये
दुनम्बरी सभ हलुआ केर ढेकार करैये
सिद्धान्त पर रहैये जे से निर्गुण गबैये
जे धर्म पर चलैये से उपास पड़ैये
चोरो-डकैत सभ मठोमाठ भऽ मुखिया बनैये
कालाबाजारक मालिक सभ सँ उज्जर पहिरैये
जे जेहन चारि सै बीस, तेहन चौमहला उठबैये
इमानदार सभ बैसल-बैसल झाम गुड़ैये
जे शकुनि थीक से छल-बल सौं सभ ठाम जीतैये
युधिष्ठिर सन सुध लोक सभ सभतरि हारैये
चोरक मुँह छइ चान जकाँ ओ चानी लुटैये
जे पथचारी अछि से अप्पन कपार पिटैये
पंजा-छक्का जे जनैये से सत्ता पबैये
चिचिआइत अछि जे जोर सौं से भत्ता पबैये
जे चालू अछि से मालमत्ता अलबत्ता पबैये
जे सोझिया से कलकत्तो जा नहि लत्ता पबैये
साँढ़ खेत मे पैसल सभटा बीया चरैये
जोतयवला अन्न विना हकन्न कनैये
kahu baat kee? dekhi kichhu ne phuraiye
ajgut dekhai chhi, chhagunta lagaiye
je Dhong pasaray janaiye se jag mae pujabaiye
baDka baDka pakhanDi sabh bhagvan kahabaiye
je satya bajai achhi se sabhatari gardaniya pabaiye
je neek lok se aajuk yug mae buDbak kahabaiye
je makhan lagbay janaiye, se ghrit pibaiye
dunambri sabh halua ker Dhekar karaiye
siddhant par rahaiye je se nirgun gabaiye
je dharm par chalaiye se upaas paDaiye
choro Dakait sabh mathomath bhaऽ mukhiya banaiye
kalabajarak malik sabh san ujjar pahiraiye
je jehan chari sai bees, tehan chaumahla uthabaiye
imandar sabh baisal baisal jhaam guDaiye
je shakuni theek se chhal bal saun sabh thaam jitaiye
yudhishthir san sudh lok sabh sabhatari haraiye
chorak munh chhai chaan jakan o chani lutaiye
je pathchari achhi se appan kapar pitaiye
panja chhakka je janaiye se satta pabaiye
chichiait achhi je jor saun se bhatta pabaiye
je chalu achhi se malamatta albatta pabaiye
je sojhiya se kalkatto ja nahi latta pabaiye
saanDh khet mae paisal sabhta biya charaiye
jotayavla ann vina hakann kanaiye
kahu baat kee? dekhi kichhu ne phuraiye
ajgut dekhai chhi, chhagunta lagaiye
je Dhong pasaray janaiye se jag mae pujabaiye
baDka baDka pakhanDi sabh bhagvan kahabaiye
je satya bajai achhi se sabhatari gardaniya pabaiye
je neek lok se aajuk yug mae buDbak kahabaiye
je makhan lagbay janaiye, se ghrit pibaiye
dunambri sabh halua ker Dhekar karaiye
siddhant par rahaiye je se nirgun gabaiye
je dharm par chalaiye se upaas paDaiye
choro Dakait sabh mathomath bhaऽ mukhiya banaiye
kalabajarak malik sabh san ujjar pahiraiye
je jehan chari sai bees, tehan chaumahla uthabaiye
imandar sabh baisal baisal jhaam guDaiye
je shakuni theek se chhal bal saun sabh thaam jitaiye
yudhishthir san sudh lok sabh sabhatari haraiye
chorak munh chhai chaan jakan o chani lutaiye
je pathchari achhi se appan kapar pitaiye
panja chhakka je janaiye se satta pabaiye
chichiait achhi je jor saun se bhatta pabaiye
je chalu achhi se malamatta albatta pabaiye
je sojhiya se kalkatto ja nahi latta pabaiye
saanDh khet mae paisal sabhta biya charaiye
jotayavla ann vina hakann kanaiye
स्रोत :
पुस्तक : हरिमोहन झा रचनावली खण्ड-4 (पृष्ठ 108)रचनाकार : हरिमोहन झा
प्रकाशन : जनसीदन प्रकाशन
संस्करण : 1999
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
