बहुरे ना दुख के ई दिनवा
बेदरदी न अइले
बेदरदी न अइले निरमोही न अइले
कुहुके ला मोर परनवा
बेदरदी न अइले।
पीरितिया के पेड़ सूखल बिन पानी
टप-टप चूएला नेहिया के छानी
ताड़े लगल असमनवा
बेदरदी न अइले।
कुहुके ला मोर परनवा
बेदरदी न अइले।
हिया के दुखाइल केसे बताईं
दरद क बिखिया केतना छुपाईं
सून लागे बाग बगनवा
बेदरदी न अइले
कुहुके ला मोर परनवा
बेदरदी न अइले।
स्रोत :
- रचनाकार : आकृति विज्ञा 'अर्पण’
- प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
