फुटपाथक कातमे पड़ल
नओ मासक नेनाकेँ
भूखसँ बेहाल
पथियामे राखल आम दिस लपकैत देखि
कात करैत ओकर माय कहैत अछि—
पियास लागल छह?
आनि दैत छियह
चापाकलसँ ठंढ़ा पानि
भरि मोन पीबि लिहऽ
आ पीब हमहूँ
शान्त करब अपन लहरैत पेटकेँ
आ तोहर सेहो।
एकटा आमक दाम
बूझल छह तोरा?
नहि ने!
मात्र पाँच टाका आ महाजनक सूदि
एक साँझक खोराक
आधा सेर मोटका चाउरक दाम
चलह बना दैत छियऽ मरसटका
ओहीमे तकिहऽ बेटा!
मालदह आमक स्वाद।
स्रोत :
- पुस्तक : गेल्ह सब झाड़ैत अछि पाँखि (पृष्ठ 27)
- रचनाकार : मेनका मल्लिक
- प्रकाशन : चतुरंग प्रकाशन
- संस्करण : 2017
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
