पुरुब ते फूटि परा भिनसार,
उषा की लाली लहकै लागि,
सुर्ज की बैरिनि अँधरी राति
गई डरिकै पँछुवइ का भागि।
देखिकै सुरजन का अंगारु
चन्द्र की किरिला गई भुलाइ,
लागि खिसियई उड़ी सब चमक
भगे अपना-सा मुँहु लुकवाइ।
नखत सब तितिर-बितिर हुइ भजे,
बीतिगा तिमिरु भवा उजियार
न क्वहिरा की कुछु माया चली,
गवा छिन माँ सागर के पार।
सुर्ज का ख्यालति-बाढ़ति देखि
कमल मुँहमुंदा खिलि-खिलि हँसे,
लाल पुरयिन, लालइ अग्गासु
उड़े भौंरा फूलन मा फँसे।
यहे औसर पर हमहूँ गयन
करै दुनहुँन का निर्त-नियाउ,
कहिनि दुनहूँ—हम मा को बड़ा
जबाना हमका भेदु बताउ।
कहेन हम—'घूमइ सुर्ज अक्याल
जगत मा तलिया कमल तमाम,
मिलइ सुरजन ते सबका ताप,
कमल ते मिलै ठंढ़ आराम।
मिला उनका करिया अग्गासु
मुला यहु पाइसि पानी उजल,
राति-दिनु दौरति घूमै सुरुज,
मुला यहु बैठ ठौरहें सदल।
आजु है बहुमत का कानून
नही यहिमा तनिकौ सन्देह।
यहै कहि अपने घर का गयन
जोरिकै फूलन ते सुसनेह।
purub te phuti para bhinsar,
usha ki lali lahakai lagi,
surj ki bairini andhari rati
gai Darikai panchhuvai ka bhagi.
dekhikai surjan ka angaru
chandr ki kirila gai bhulai,
lagi khisiyii uDi sab chamak
bhage apna sa munhu lukvai.
nakhat sab titir bitir hui bhaje,
bitiga timiru bhava ujiyar
na kvahira ki kuchhu maya chali,
gava chhin maan sagar ke paar.
surj ka khyalati baDhati dekhi
kamal munhmunda khili khili hanse,
laal puryin, lalai aggasu
uDe bhaunra phulan ma phanse.
yahe ausar par hamhun gayan
karai dunahunn ka nirt niyau,
kahini dunhun—ham ma ko baDa
jabana hamka bhedu batau.
kahen ham—ghumai surj akyal
jagat ma taliya kamal tamam,
milai surjan te sabka taap,
kamal te milai thanDh aram.
mila unka kariya aggasu
mula yahu paisi pani ujal,
rati dinu daurati ghumai suruj,
mula yahu baith thaurhen sadal.
aaju hai bahumat ka kanun
nahi yahima tanikau sandeh.
yahai kahi apne ghar ka gayan
jorikai phulan te susneh.
purub te phuti para bhinsar,
usha ki lali lahakai lagi,
surj ki bairini andhari rati
gai Darikai panchhuvai ka bhagi.
dekhikai surjan ka angaru
chandr ki kirila gai bhulai,
lagi khisiyii uDi sab chamak
bhage apna sa munhu lukvai.
nakhat sab titir bitir hui bhaje,
bitiga timiru bhava ujiyar
na kvahira ki kuchhu maya chali,
gava chhin maan sagar ke paar.
surj ka khyalati baDhati dekhi
kamal munhmunda khili khili hanse,
laal puryin, lalai aggasu
uDe bhaunra phulan ma phanse.
yahe ausar par hamhun gayan
karai dunahunn ka nirt niyau,
kahini dunhun—ham ma ko baDa
jabana hamka bhedu batau.
kahen ham—ghumai surj akyal
jagat ma taliya kamal tamam,
milai surjan te sabka taap,
kamal te milai thanDh aram.
mila unka kariya aggasu
mula yahu paisi pani ujal,
rati dinu daurati ghumai suruj,
mula yahu baith thaurhen sadal.
aaju hai bahumat ka kanun
nahi yahima tanikau sandeh.
yahai kahi apne ghar ka gayan
jorikai phulan te susneh.
स्रोत :
पुस्तक : अरघान (पृष्ठ 23)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
