आइ रहे यहि बार कौन यहि बड़े सवारे?
चमकि रहे हैं कौन भूतु अस कारे-कारे?
बड़का धनुहा लिहे संग मा रंग-बिरंगा,
डहुकैं मनौं परेतु मचावति आवति दंगा।
भारी सैना साथ एक ते एकु बहादर,
वीर लड़ाके ज्वान, कहावैं जग मा बादर।
आँखिन के कमजोर, दौस मा लैट लगावैं,
मुँहि पर फेंकि उजेरु, सबन पर सान जमावैं।
सुरजन पर जुटि गये, जेलि छिन मा पहुँचाइनि,
जग मा किहिनि अँधेरु, ताल की डाह बुताइनि।
फँसा जेलि मा जानि, सुर्ज जब धूप बढ़ाइनि,
मारिनि मूड़े गदा, अकट्ठै, रकतु बहाइनि।
छूटै लागि फुहार, छिनै मा खोक्खडु हुइगे,
बहिगा सिगरा रकतु; हाँड़ के ढाँचा रहिगे।
त्यहिका लइके हवा, समुन्दर बीच डुबाइसि,
दिहिसि झम्म ते फेंकि, अमृत दे फेरि जियाइसि।
aai rahe yahi baar kaun yahi baDe savare?
chamaki rahe hain kaun bhutu as kare kare?
baDka dhanuha lihe sang ma rang biranga,
Dahukain manaun paretu machavati avati danga.
bhari saina saath ek te eku bahadar,
veer laDake jvaan, kahavain jag ma badar.
ankhin ke kamjor, daus ma lait lagavain,
munhi par phenki ujeru, saban par saan jamavain.
surjan par juti gaye, jeli chhin ma pahunchaini,
jag ma kihini andheru, taal ki Daah butaini.
phansa jeli ma jani, surj jab dhoop baDhaini,
marini muDe gada, akatthai, rakatu bahaini.
chhutai lagi phuhar, chhinai ma khokkhaDu huige,
bahiga sigra rakatu; haanD ke Dhancha rahige.
tyahika laike hava, samundar beech Dubaisi,
dihisi jhamm te phenki, amrit de pheri jiyaisi.
aai rahe yahi baar kaun yahi baDe savare?
chamaki rahe hain kaun bhutu as kare kare?
baDka dhanuha lihe sang ma rang biranga,
Dahukain manaun paretu machavati avati danga.
bhari saina saath ek te eku bahadar,
veer laDake jvaan, kahavain jag ma badar.
ankhin ke kamjor, daus ma lait lagavain,
munhi par phenki ujeru, saban par saan jamavain.
surjan par juti gaye, jeli chhin ma pahunchaini,
jag ma kihini andheru, taal ki Daah butaini.
phansa jeli ma jani, surj jab dhoop baDhaini,
marini muDe gada, akatthai, rakatu bahaini.
chhutai lagi phuhar, chhinai ma khokkhaDu huige,
bahiga sigra rakatu; haanD ke Dhancha rahige.
tyahika laike hava, samundar beech Dubaisi,
dihisi jhamm te phenki, amrit de pheri jiyaisi.
स्रोत :
पुस्तक : अरघान (पृष्ठ 32)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
