हम आ हमर बेगरता
शामिल छल,
हमर बापक हकमैत साँसमे
जे अभावक संकटपूर्ण मैराथन
दौड़ैत रहलाह सबदिन।
हुनकर फिफिआयल मोनक संताप
आ छिछिआइत दिनचर्जाक गवाह तँ छीहे
जे
हुनकर घामक गंध जानल अछि
चिन्ताक प्रकोपें झड़ैत हुनकर
एक एकटा केश अछि गनल आ
बेमायक गहिराइ सेहो नापल अछि।
अनेक समुद्र उपछलनि
सबटा भुतहा पाँतर नँघलनि
मात्र हमरा बैसाबऽ लेल घोड़ाक पीठ
आ सत्ते
एकदिन हम घोड़ा असवार भऽ गेलहुँ
दौड़य लगलहुँ सरपट
जा घुरि देखलहुँ पाछु
ने बाप छलाह ठाढ़
ने भेटल हुनकर कोनो कामना।
अपन अभावमे ओ समा गेलाह
हमरा स्थापित करिते-करिते
अपने ओ बिला गेलाह।
आइओ जखन ओ मोन पड़ैत छथि तँ
हमर ई सूटबूट
हुनकर ठेहुनिया धोती लग
झुझुआन लगैए
हमर आडम्बरक ई दौड़ा-दौड़ी
हुनकर अभावक घुसकुनियाक आगु
नितुआन लगैए।
hum aa hamar begarta
shamil chhal,
hamar bapak hakmait sansame
je abhavak sankatpurn mairathan
dauDait rahlah sabdin.
hunkar phiphiayal monak santap
aa chhichhiait dincharjak gavah tan chhihe
je
hunkar ghamak gandh janal achhi
chintak prkopen jhaDait hunkar
ek ekta kesh achhi ganal aa
bemayak gahirai seho napal achhi.
anek samudr upachhalani
sabta bhutha pantar nanghalani
maatr hamra baisabऽ lel ghoDak peeth
aa satte
ekdin hum ghoDa asvar bhaऽ gelahun
dauDay lagalahun sarpat
ja ghuri dekhalahun pachhu
ne baap chhalah thaaDh
ne bhetal hunkar kono kamna.
apan abhavme o sama gelah
hamra sthapit karite karite
apne o bila gelah.
aaio jakhan o mon paDait chhathi tan
hamar ii sutbut
hunkar thehuniya dhoti lag
jhujhuan lagaiye
hamar aDambrak ii dauDa dauDi
hunkar abhavak ghusakuniyak aagu
nituan lagaiye.
hum aa hamar begarta
shamil chhal,
hamar bapak hakmait sansame
je abhavak sankatpurn mairathan
dauDait rahlah sabdin.
hunkar phiphiayal monak santap
aa chhichhiait dincharjak gavah tan chhihe
je
hunkar ghamak gandh janal achhi
chintak prkopen jhaDait hunkar
ek ekta kesh achhi ganal aa
bemayak gahirai seho napal achhi.
anek samudr upachhalani
sabta bhutha pantar nanghalani
maatr hamra baisabऽ lel ghoDak peeth
aa satte
ekdin hum ghoDa asvar bhaऽ gelahun
dauDay lagalahun sarpat
ja ghuri dekhalahun pachhu
ne baap chhalah thaaDh
ne bhetal hunkar kono kamna.
apan abhavme o sama gelah
hamra sthapit karite karite
apne o bila gelah.
aaio jakhan o mon paDait chhathi tan
hamar ii sutbut
hunkar thehuniya dhoti lag
jhujhuan lagaiye
hamar aDambrak ii dauDa dauDi
hunkar abhavak ghusakuniyak aagu
nituan lagaiye.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 13)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
