तोहरी करनी से रातौ-दिन हम चिंता मा अधियान अही।
हम तौ मजदूर किसान अही।
कल तक तौ पूजा जात रहे सब कहयँ कि हम भगवान अही।
हमरिन मेहनत के दमखम से वै कहयँ कि हम धनवान अही।
वै कहा करयँ कि तुहिन से ई सब बंगला, कोठी, कार अहै।
तोहरेन वोटे के बलबूते येहि देसवा कै सरकार अहै।
आखिर अब कउन कसूर भवा तू कहत अहा शैतान अही।
हम तौ मजदूर किसान अही।
हम सब संकट मा परा अही तू आपन हाथ सिकोरि लेह्या
घर कै दरवाजा बंद केह्या, सब रोजी-रोटी छोरि लेह्या।
हम दाना का मोहताज भये, हंडिया-कुचुरी सब खाली भै।
लरिकौ कै पेट न भरि पाए, चौगिरदा से बदहाली भै।
अब मदत करइ का काउ कही तोहरी खातिर बेइमान अही।
हम तौ मजदूर किसान अही।
कुछ नेतन कै यस हया मरी, वै एहू मा रोटी सेंकि रहे।
कुछ करइ धरइ का नहीं मुला बस लंबी चौड़ी फेंकि रहे।
अब हमसब बाटे ख़फ़ा बहुत कुछ संसद अउर विधायक से।
अबकी हम नाता तोरि देब अइसे नेता नालायक से।
हम खुदै फैसला करै बरे अबकी आगे अगुआँन अही।
हम तौ मजदूर किसान अही।
जेहका देखा अब उहइ कबड्डी एहि हड्डी पै खेलति बा।
दुनिया के दर्द, मुसीबत सब हमरिन खोपड़ी पै ठेलति बा।
हम अइसे चुप ना बइठ जाब न पीछे हटब लड़ाई से।
अबकी न तनिकउ ढील देब हम आउब पेश कड़ाई से।
अबकी फैसला कराइ लेब, सब जने बहुत खौहान अही।
हम तौ मजदूर किसान अही।
tohri karni se ratau din hum chinta ma adhiyan ahi.
hum tau majdur kisan ahi.
kal tak tau puja jaat rahe sab kahayan ki hum bhagvan ahi.
hamrin mehnat ke damkham se vai kahayan ki hum dhanvan ahi.
vai kaha karayan ki tuhin se ii sab bangla, kothi, kaar ahai.
tohren vote ke balbute yehi desva kai sarkar ahai.
akhir ab kaun kasur bhava tu kahat aha shaitan ahi.
hum tau majdur kisan ahi.
hum sab sankat ma para ahi tu aapan haath sikori lehya
ghar kai darvaja band kehya, sab roji roti chhori lehya.
hum dana ka mohtaj bhaye, hanDiya kuchuri sab khali bhai.
larikau kai pet na bhari paye, chaugirda se badhali bhai.
ab madat karai ka kau kahi tohri khatir beiman ahi.
hum tau majdur kisan ahi.
kuch netan kai yas haya mari, vai ehu ma roti senki rahe.
kuch karai dharai ka nahin mula bas lambi chauDi phenki rahe.
ab hamsab bate khafa bahut kuch sansad aur vidhayak se.
abki hum nata tori deb aise neta nalayak se.
hum khudai phaisla karai bare abki aage aguann ahi.
hum tau majdur kisan ahi.
jehka dekha ab uhai kabaDDi ehi haDDi pai khelati ba.
duniya ke dard, musibat sab hamrin khopaDi pai thelati ba.
hum aise chup na baith jaab na pichhe hatab laDai se.
abki na tanikau Dheel deb hum aaub pesh kaDai se.
abki phaisla karai leb, sab jane bahut khauhan ahi.
hum tau majdur kisan ahi.
tohri karni se ratau din hum chinta ma adhiyan ahi.
hum tau majdur kisan ahi.
kal tak tau puja jaat rahe sab kahayan ki hum bhagvan ahi.
hamrin mehnat ke damkham se vai kahayan ki hum dhanvan ahi.
vai kaha karayan ki tuhin se ii sab bangla, kothi, kaar ahai.
tohren vote ke balbute yehi desva kai sarkar ahai.
akhir ab kaun kasur bhava tu kahat aha shaitan ahi.
hum tau majdur kisan ahi.
hum sab sankat ma para ahi tu aapan haath sikori lehya
ghar kai darvaja band kehya, sab roji roti chhori lehya.
hum dana ka mohtaj bhaye, hanDiya kuchuri sab khali bhai.
larikau kai pet na bhari paye, chaugirda se badhali bhai.
ab madat karai ka kau kahi tohri khatir beiman ahi.
hum tau majdur kisan ahi.
kuch netan kai yas haya mari, vai ehu ma roti senki rahe.
kuch karai dharai ka nahin mula bas lambi chauDi phenki rahe.
ab hamsab bate khafa bahut kuch sansad aur vidhayak se.
abki hum nata tori deb aise neta nalayak se.
hum khudai phaisla karai bare abki aage aguann ahi.
hum tau majdur kisan ahi.
jehka dekha ab uhai kabaDDi ehi haDDi pai khelati ba.
duniya ke dard, musibat sab hamrin khopaDi pai thelati ba.
hum aise chup na baith jaab na pichhe hatab laDai se.
abki na tanikau Dheel deb hum aaub pesh kaDai se.
abki phaisla karai leb, sab jane bahut khauhan ahi.
hum tau majdur kisan ahi.
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
