राम रहीम तुहीं हो भइया मंदिर मसजिद माटी है।
अनायास जिन खेला भइया, खेल तनी सुरपाटी कै॥
एक्कै आदम एक्कै हउवा एक्कै धरती मइया।
वही कै नाती पोता सब केंउ अही सहोदर भइया।
हर शीशी माँ लाल रंग वा अंतर केवल डाटी कै ।
राम रहीम तुहीं हो भइया मंदिर मसजिद माटी कै।
एक हवा पानी कुल देखा एक रोशनी आई हो।
एक तरह से मनई जनमैं एक तरह मरि जाई हो।
मन मंदिर माँ एक देवता फरक अहै बस टाटी कै।
राम रहीम तुहीं हो भइया मंदिर मसजिद माटी कै।
प्रेम कै वंशी यहीं बजी है सुना कबिन की बानी।
लाठी मारे कहाँ फटी है काई गहरे पानी।
आवा मिलि जुलि करी हिफाजत देशवा की परिपाटी है।
राम रहीम तुहीं हो भइया मंदिर मसजिद माटी कै।
काका दादा कहैं परोसी धन्य होंय सुनवइया।
मियांदीन के कोल्हुअउरे पर होय जुटौला भइया।
कहाँ रहन परहेज बतावा गुड़ चिनगा औ लाटी कै।
राम रहीम तुहीं हो भइया मंदिर मसजिद माटी कै।
छान्हीं पर कै कोहड़ा लौकी मिलत रहन व्यवहारे माँ।
बाँटत चलई हमीदा चरबन लरिकन का गलियारे माँ।
भोजन बनै पेड़ की छइयाँ होई खवाई बाटी कै।
राम रहीम तुहीं हो भइया मंदिर मसजिद माटी कै।
पंडित के घर होइ निकासन अब्दुल छोड़ै गोला।
मुल्ला जी महलूद सुनै तो सिन्नी बाँटै भोला।
मेल जोल जिन खतम करावा दुआ बंदगी हाटी कै।
राम रहीम तुहीं हो भइया मंदिर मसजिद माटी कै।
जाति पाँति बिसरावा भइया झगरा कै जरि काटा।
जौन बनी नफरत कै खाँई मिलि जुलि ओका पाटा।
कब तक रही लड़ाई जारी गिरि खंदक औ घाटी कै।
राम रहीम तुहीं हो भइया मंदिर मसजिद माटी कै।
raam rahim tuhin ho bhaiya mandir masjid mati hai.
anayas jin khela bhaiya, khel tani surpati kai॥
ekkai aadam ekkai hauva ekkai dharti maiya.
vahi kai nati pota sab kenu ahi sahodar bhaiya.
har shishi maan laal rang va antar keval Dati kai.
raam rahim tuhin ho bhaiya mandir masjid mati kai.
ek hava pani kul dekha ek roshni aai ho.
ek tarah se manii janamain ek tarah mari jai ho.
man mandir maan ek devta pharak ahai bas tati kai.
raam rahim tuhin ho bhaiya mandir masjid mati kai.
prem kai vanshi yahin baji hai suna kabin ki bani.
lathi mare kahan phati hai kai gahre pani.
aava mili juli kari hiphajat deshva ki paripati hai.
raam rahim tuhin ho bhaiya mandir masjid mati kai.
kaka dada kahain parosi dhanya honya sunavaiya.
miyandin ke kolhuaure par hoy jutaula bhaiya.
kahan rahan parhej batava guD chinga au lati kai.
raam rahim tuhin ho bhaiya mandir masjid mati kai.
chhanhin par kai kohDa lauki milat rahan vyavhare maan.
bantat chalii hamida charban larikan ka galiyare maan.
bhojan banai peD ki chhaiyan hoi khavai bati kai.
raam rahim tuhin ho bhaiya mandir masjid mati kai.
panDit ke ghar hoi nikasan abdul chhoDai gola.
mulla ji mahlud sunai to sinni bantai bhola.
mel jol jin khatam karava dua bandagi hati kai.
raam rahim tuhin ho bhaiya mandir masjid mati kai.
jati panti bisrava bhaiya jhagra kai jari kata.
jaun bani naphrat kai khanii mili juli oka pata.
kab tak rahi laDai jari giri khandak au ghati kai.
raam rahim tuhin ho bhaiya mandir masjid mati kai.
raam rahim tuhin ho bhaiya mandir masjid mati hai.
anayas jin khela bhaiya, khel tani surpati kai॥
ekkai aadam ekkai hauva ekkai dharti maiya.
vahi kai nati pota sab kenu ahi sahodar bhaiya.
har shishi maan laal rang va antar keval Dati kai.
raam rahim tuhin ho bhaiya mandir masjid mati kai.
ek hava pani kul dekha ek roshni aai ho.
ek tarah se manii janamain ek tarah mari jai ho.
man mandir maan ek devta pharak ahai bas tati kai.
raam rahim tuhin ho bhaiya mandir masjid mati kai.
prem kai vanshi yahin baji hai suna kabin ki bani.
lathi mare kahan phati hai kai gahre pani.
aava mili juli kari hiphajat deshva ki paripati hai.
raam rahim tuhin ho bhaiya mandir masjid mati kai.
kaka dada kahain parosi dhanya honya sunavaiya.
miyandin ke kolhuaure par hoy jutaula bhaiya.
kahan rahan parhej batava guD chinga au lati kai.
raam rahim tuhin ho bhaiya mandir masjid mati kai.
chhanhin par kai kohDa lauki milat rahan vyavhare maan.
bantat chalii hamida charban larikan ka galiyare maan.
bhojan banai peD ki chhaiyan hoi khavai bati kai.
raam rahim tuhin ho bhaiya mandir masjid mati kai.
panDit ke ghar hoi nikasan abdul chhoDai gola.
mulla ji mahlud sunai to sinni bantai bhola.
mel jol jin khatam karava dua bandagi hati kai.
raam rahim tuhin ho bhaiya mandir masjid mati kai.
jati panti bisrava bhaiya jhagra kai jari kata.
jaun bani naphrat kai khanii mili juli oka pata.
kab tak rahi laDai jari giri khandak au ghati kai.
raam rahim tuhin ho bhaiya mandir masjid mati kai.
स्रोत :
रचनाकार : जुमई खाँ 'आजाद'
प्रकाशन : हिन्दवी के लिए शैलेंद्र कुमार शुक्ल द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
