कौमी एकता कै मलवा हम देखाई फेरि के।
गालिब के गुलशन माँ गूंजी तुलसी कै चौपाई।
केहू भजनियाँ सूरदास कै, केउ मीरा कै गाई।
कौनो खझड़ी बजावै कबिरा का टेरि के।
कौमी एकता कै मलवा हम देखाई फेरि के॥
गाँधी जी कै त्याग तपस्या लोहिया कै कुरबानी।
चला गदेलवउ तोहैं सुनाई भक्ती भरी कहानी॥
आवा गंगा जी कै पानी हम पियाई ढेरि के।
कौमी एकता कै मलवा हम देखाई फेरि के॥
ई अब्दुल हमीद कै थाती प्राण पियारी माटी।
आपन धरम संजोआ भइया पोरखन कै परिपाटी॥
कैइसे लइ जाई परोसी फुलवा का तोरि के।
कौमी एकता कै मलवा हम देखाई फेरि के॥
घर आँगन चौपरिया मंहकी, मंहकी ताल तिराई।
ठुमुकि चली पनघट का गोरिया बौरि चली अमराई।
गइहैं गितिया लुगाई मिलि कलाई जोरि के।
कौमी एकता कै मलवा हम देखाई फेरि के॥
तू बगिया कै माली बनि के करत रह्या रखवारी।
टोंट केहू न मारइ पावै केशर की फुलवारी।
क्यारी-क्यारी फूल फुलाई रंग बसंती घोरि के।
कौमी एकता कै मलवा हम देखाई फेरि के॥
कितना सेनुर माँग उतरिगा यही दिना की ताँई।
जियत जिंदगी हमना देखवै दुश्मन कै परछाँई।
चाही वतिया जराई खुनवा माँ बोरि के।
कौमी एकता कै मलवा हम देखाई फेरि के॥
चला शहीदन की मजार पर सब केउ दिया जराई।
ई माटी चंदन से बढ़ के आवा तिलक लगाई।
आवा बिगुल बजाई भाई बहियाँ सिकोरि के।
कौमी एकता कै मलवा हम देखाई फेरि के॥
kaumi ekta kai malva hum dekhai pheri ke.
galib ke gulshan maan gunji tulsi kai chaupai.
kehu bhajaniyan surdas kai, keu mera kai gai.
kauno khajhDi bajavai kabira ka teri ke.
kaumi ekta kai malva hum dekhai pheri ke॥
gandhi ji kai tyaag tapasya lohiya kai kurbani.
chala gadelavau tohain sunai bhakti bhari kahani॥
aava ganga ji kai pani hum piyai Dheri ke.
kaumi ekta kai malva hum dekhai pheri ke॥
ii abdul hamid kai thati praan piyari mati.
aapan dharam sanjoa bhaiya porkhan kai paripati॥
kaiise lai jai parosi phulva ka tori ke.
kaumi ekta kai malva hum dekhai pheri ke॥
ghar angan chaupariya manhki, manhki taal tirai.
thumuki chali panghat ka goriya bauri chali amrai.
gaihain gitiya lugai mili kalai jori ke.
kaumi ekta kai malva hum dekhai pheri ke॥
tu bagiya kai mali bani ke karat rahya rakhvari.
tont kehu na marai pavai keshar ki phulvari.
kyari kyari phool phulai rang basanti ghori ke.
kaumi ekta kai malva hum dekhai pheri ke॥
kitna senur maang utariga yahi dina ki tanii.
jiyat jindgi hamna dekhavai dushman kai parchhanii.
chahi vatiya jarai khunva maan bori ke.
kaumi ekta kai malva hum dekhai pheri ke॥
chala shahidan ki majar par sab keu diya jarai.
ii mati chandan se baDh ke aava tilak lagai.
aava bigul bajai bhai bahiyan sikori ke.
kaumi ekta kai malva hum dekhai pheri ke॥
kaumi ekta kai malva hum dekhai pheri ke.
galib ke gulshan maan gunji tulsi kai chaupai.
kehu bhajaniyan surdas kai, keu mera kai gai.
kauno khajhDi bajavai kabira ka teri ke.
kaumi ekta kai malva hum dekhai pheri ke॥
gandhi ji kai tyaag tapasya lohiya kai kurbani.
chala gadelavau tohain sunai bhakti bhari kahani॥
aava ganga ji kai pani hum piyai Dheri ke.
kaumi ekta kai malva hum dekhai pheri ke॥
ii abdul hamid kai thati praan piyari mati.
aapan dharam sanjoa bhaiya porkhan kai paripati॥
kaiise lai jai parosi phulva ka tori ke.
kaumi ekta kai malva hum dekhai pheri ke॥
ghar angan chaupariya manhki, manhki taal tirai.
thumuki chali panghat ka goriya bauri chali amrai.
gaihain gitiya lugai mili kalai jori ke.
kaumi ekta kai malva hum dekhai pheri ke॥
tu bagiya kai mali bani ke karat rahya rakhvari.
tont kehu na marai pavai keshar ki phulvari.
kyari kyari phool phulai rang basanti ghori ke.
kaumi ekta kai malva hum dekhai pheri ke॥
kitna senur maang utariga yahi dina ki tanii.
jiyat jindgi hamna dekhavai dushman kai parchhanii.
chahi vatiya jarai khunva maan bori ke.
kaumi ekta kai malva hum dekhai pheri ke॥
chala shahidan ki majar par sab keu diya jarai.
ii mati chandan se baDh ke aava tilak lagai.
aava bigul bajai bhai bahiyan sikori ke.
kaumi ekta kai malva hum dekhai pheri ke॥
स्रोत :
रचनाकार : जुमई खाँ 'आजाद'
प्रकाशन : हिन्दवी के लिए शैलेंद्र कुमार शुक्ल द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
