राम-कृस्न कै भजन-कीर्तन,
अल्ला कै संदेस हियाँ।
कबिरापंथी मूड़ घोटाये,
सिक्ख रखाए केस हियाँ।
मेर-मेर कै खान-पान,
औ मेर-मेर के भेस हियाँ।
ना केउ नाबर, ना केउ जबरा,
सबकुछ अहै बिसेस हियाँ।
बैरी-दुस्मन का खेदि- खेदि,
हम डाह बुताई छाती कै।
हम नमन करी यहि माटी कै।
जनम-भूमि औ जननी दुइनौ,
अहैं सरग से बड़ी जहाँ।
बनी पहरुआ सारी जनता,
रहै सान से अड़ी जहाँ।
जाति-धरम कै भेद भूलि सब,
भें माला कै कड़ी जहाँ।
गीता अउर कुरान-बाइबिल,
अहै मुबारक छड़ी जहाँ।
बाग-बगैचा, ताल-तलइया,
परवत कै औ घाटी कै।
हम नमन करी यह माटी कै।
यहि माटी की कोखी हीरा,
अउर रतनधन खान मिलैं।
तुलसी, सूर, कबीरा, गालिब,
कदम-कदम रसखान मिलें।
आपन देस महान जहाँ पै
कन-कन माँ भगवान मिलें।
दया अउर ईमान-धरम बा,
राम अउर रहमान मिलें।
यहि खातिर अभिमान अहै
हमका अपनी औकाती कै।
हम नमन करी यहि माटी कै।
जनता कै अस बड़ी हुकूमत,
अउर देस मा अहै कहाँ।
छोट-बड़ा सबकै एक इज्जत,
अउर देस मा अहै कहाँ।
प्यार-मुहब्बत अउर सराफत,
अउर देस मा अहै कहाँ।
हक्क बराबर, सुभ्भ मुहूरत,
अउर देस मा अहै कहाँ।
ऊ हमरे जिउ का पियार,
जे काढ़ै आँख जिराती कै।
हम नमन करी यहि माटी कै।
रिसी, मुनी, पैगम्बर से,
ई आपन देस महान बना।
खुद के बूते दुनिया मा,
आपन ऊँचा अस्थान बना।
सब के महजिद चर्च बना।
दया-धरम औ मान-अहिंसा,
मिलके हिन्दुस्तान बना।
रखवारी दिन-रात करी हम,
पुरखन की परिपाटी कै।
हम नमन करी यहि माटी कै।
हम हराम कै एक न खाई,
हेरा करी हलाल सदा।
सान्ति-अहिंसा कै पुजवइया,
टारा करी बवाल सदा।
जे हमरी मू आँख देखाये,
ओकरी खातिर काल सदा।
जेकरे करे कौनो करतब नाही,
उहै, बजावै गाल सदा।
बालक-बूढ़-जवान सबै मिलि,
मानैं बात देहाती कै।
हम नमन करी यहि माटी कै।
raam krisn kai bhajan kirtan,
alla kai sandes hiyan.
kabirapanthi mooD ghotaye,
sikkh rakhaye kes hiyan.
mer mer kai khaan paan,
au mer mer ke bhes hiyan.
na keu nabar, na keu jabra,
sabkuchh ahai bises hiyan.
bairi dusman ka khedi khedi,
hum Daah butai chhati kai.
hum naman kari yahi mati kai.
janam bhumi au janani duinau,
ahain sarag se baDi jahan.
bani paharua sari janta,
rahai saan se aDi jahan.
jati dharam kai bhed bhuli sab,
bhen mala kai kaDi jahan.
gita aur kuran baibil,
ahai mubarak chhaDi jahan.
baag bagaicha, taal talaiya,
parvat kai au ghati kai.
hum naman kari ye mati kai.
yahi mati ki kokhi hira,
aur ratandhan khaan milain.
tulsi, soor, kabira, galib,
kadam kadam raskhan milen.
aapan des mahan jahan pai
kan kan maan bhagvan milen.
daya aur iiman dharam ba,
raam aur rahman milen.
yahi khatir abhiman ahai
hamka apni aukati kai.
hum naman kari yahi mati kai.
janta kai as baDi hukumat,
aur des ma ahai kahan.
chhot baDa sabakai ek ijjat,
aur des ma ahai kahan.
pyaar muhabbat aur saraphat,
aur des ma ahai kahan.
hakk barabar, subhbh muhurat,
aur des ma ahai kahan.
uu hamre jiu ka piyar,
je kaDhai ankh jirati kai.
hum naman kari yahi mati kai.
risi, muni, paigambar se,
ii aapan des mahan bana.
khud ke bute duniya ma,
aapan uncha asthan bana.
sab ke mahjid charch bana.
daya dharam au maan ahinsa,
milke hindustan bana.
rakhvari din raat kari hum,
purkhan ki paripati kai.
hum naman kari yahi mati kai.
hum haram kai ek na khai,
hera kari halal sada.
santi ahinsa kai pujavaiya,
tara kari baval sada.
je hamri mu ankh dekhaye,
okri khatir kaal sada.
jekre kare kauno kartab nahi,
uhai, bajavai gaal sada.
balak booDh javan sabai mili,
manain baat dehati kai.
hum naman kari yahi mati kai.
raam krisn kai bhajan kirtan,
alla kai sandes hiyan.
kabirapanthi mooD ghotaye,
sikkh rakhaye kes hiyan.
mer mer kai khaan paan,
au mer mer ke bhes hiyan.
na keu nabar, na keu jabra,
sabkuchh ahai bises hiyan.
bairi dusman ka khedi khedi,
hum Daah butai chhati kai.
hum naman kari yahi mati kai.
janam bhumi au janani duinau,
ahain sarag se baDi jahan.
bani paharua sari janta,
rahai saan se aDi jahan.
jati dharam kai bhed bhuli sab,
bhen mala kai kaDi jahan.
gita aur kuran baibil,
ahai mubarak chhaDi jahan.
baag bagaicha, taal talaiya,
parvat kai au ghati kai.
hum naman kari ye mati kai.
yahi mati ki kokhi hira,
aur ratandhan khaan milain.
tulsi, soor, kabira, galib,
kadam kadam raskhan milen.
aapan des mahan jahan pai
kan kan maan bhagvan milen.
daya aur iiman dharam ba,
raam aur rahman milen.
yahi khatir abhiman ahai
hamka apni aukati kai.
hum naman kari yahi mati kai.
janta kai as baDi hukumat,
aur des ma ahai kahan.
chhot baDa sabakai ek ijjat,
aur des ma ahai kahan.
pyaar muhabbat aur saraphat,
aur des ma ahai kahan.
hakk barabar, subhbh muhurat,
aur des ma ahai kahan.
uu hamre jiu ka piyar,
je kaDhai ankh jirati kai.
hum naman kari yahi mati kai.
risi, muni, paigambar se,
ii aapan des mahan bana.
khud ke bute duniya ma,
aapan uncha asthan bana.
sab ke mahjid charch bana.
daya dharam au maan ahinsa,
milke hindustan bana.
rakhvari din raat kari hum,
purkhan ki paripati kai.
hum naman kari yahi mati kai.
hum haram kai ek na khai,
hera kari halal sada.
santi ahinsa kai pujavaiya,
tara kari baval sada.
je hamri mu ankh dekhaye,
okri khatir kaal sada.
jekre kare kauno kartab nahi,
uhai, bajavai gaal sada.
balak booDh javan sabai mili,
manain baat dehati kai.
hum naman kari yahi mati kai.
स्रोत :
रचनाकार : अनीस देहाती
प्रकाशन : हिन्दवी के लिए शैलेंद्र कुमार शुक्ल द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
