दौड़त की आवइ जहाँ दुनिया सगरी।
ग़ज़ब नीक लागइ इ संगम कइ नगरी।
भला एहकै महिमा कहाँ तक बखानी।
हैं धूनी रमाए जहाँ संत ग्यानी।
न दुनिया मा एहकै अहै कउनो सानी।
अमिरतौ से बढिके ई गंगा कै पानी।
अनापत से भरि ल्या न छलकै जलहरी।
ग़ज़ब नीक लागइ इ संगम कइ नगरी।
कि सासू-ननद, देवरानी-जेठानी।
गदेलन के साथे मा दुइनव परानी।
चला ननकवा छोड़ि खेती-किसानी।
न पूछेसि केहू तौ पतरका मखानी।
अकेलइ चली लइके झोरा मा लुगरी।
ग़ज़ब नीक लागइ इ संगम कइ नगरी।
रेती मा चमकत अहै टेंट-बाड़ा।
जमा साधू-संतन कै वोहमा अखाड़ा।
चुवइ जमिके कुहिरा, परइ जमिके जाड़ा।
बजइ खोब घमाघम धरम कै नगाड़ा।
छिड़इ रामधुन तौ बजइ मन कै खंझरी।
ग़ज़ब नीक लागइ इ संगम कइ नगरी।
कि चारिउ मूं झंडा गड़ा लाल-पीला।
कतउ परवचन तौ कतउ रामलीला।
मनोहरा पहिरि साड़ी बनिके छबीला।
देखावत रहा डांस बहुतइ लचील
ओही पै फिदा होइ गवा दोस्त जिगरी।
ग़ज़ब नीक लागइ इ संगम कइ नगरी।
घरे मां जे सबसे झड़प कर्त बाटइ।
औ भाइन कै हींसा हड़प कर्त बाटइ।
हियाँ ऊ भोरहरिन से जप कर्त बाटइ।
अँधेरेन से अस्नान-तप कर्त बाटइ।
ई भटका मुसाफिर चलइ सोझ डगरी।
ग़ज़ब नीक लागइ इ संगम कइ नगरी।
सगियान-बुढ़वा-गदेला चला बा।
भिनौखइ से संगम कै रेला चला बा।
छिदाये गुरुजी का चेला चला बा।
गजब पुन्नवासी कै मेला चला बा।
घोड़इयाँ पै लरिका औ मूड़े पै गठरी।
ग़ज़ब नीक लागइ इ संगम कइ नगरी।
केहु नाव माँ चढ़िके फेरा लगावइ।
केहु चीर-चुनरी औ माला चढ़ावइ।
सुहागिन चलीं घिव कै दियना जरावइ।
लगीं गीत गंगा की महिमा कै गावइ।
लगावाथीं बुड़की दिहाती औ सहरी।
ग़ज़ब नीक लागइ इ संगम कइ नगरी।
कतउ घाट पै सिर मुड़ावत मिला केहु।
औ साधू-महतिमा जेंवावत मिला केहु।
कलब्बास केहुका करावत मिला केहु।
औ लग्गा से पानी पियावत मिला केहु।
घाटे पै पंडन कै रँग-रँग कै छतरी।
ग़ज़ब नीक लागइ इ संगम कइ नगरी।
भोजन लेहे हमहूँ डटके सिविर माँ
मुला परवचन सुनिके अटके सिविर माँ।
जौ मलकिन का देखे पलटके सिविर माँ।
मिलीं जाइ वै भूले-भटके सिविर माँ।
मसकत रहीं बइठि तिलवा औ घुघरी।
ग़ज़ब नीक लागइ इ संगम कइ नगरी।
हरेरी न लउटत तौ सावन न होतइ।
कि फिर माघमेला मा आवन न होतइ।
अगर घाट संगम कै पावन न होतइ।
तौ दुनिया कै एहमाँ नहावन न होतइ।
अरघ देयं सूरज का जल एक अँजुरी।
ग़ज़ब नीक लागइ इ संगम कइ नगरी।
हियाँ सब महतिमा न तौ सब पुजारी।
चलइँ लइके एइ फॉरच्यूनर सफारी।
कतहूँ केहु चिलमची, कतहुँ केहु जुआरी।
ये नुस्खा बतावत फिरइँ लाभकारी।
इहै सुनिके धई देइँ गोड़े पै पगरी।
ग़ज़ब नीक लागइ इ संगम कइ नगरी।
दुनिया भरे से ई आई बा दुनिया।
सकेते मा कइसे समाई बा दुनिया।
ई नेवता से नाहीं बोलाई बा दुनिया।
मिलइ गंगा माई से आई बा दुनिया।
खुली भागि हमरौ चला आए जबरी।
ग़ज़ब नीक लागइ इ संगम कइ नगरी।
dauDat ki avai jahan duniya sagri.
ghazab neek lagai i sangam kai nagri.
bhala ehakai mahima kahan tak bakhani.
hain dhuni ramaye jahan sant gyani.
na duniya ma ehakai ahai kauno sani.
amirtau se baDhike ii ganga kai pani.
anapat se bhari lya na chhalakai jalahri.
ghazab neek lagai i sangam kai nagri.
ki sasu nanad, devrani jethani.
gadelan ke sathe ma duinav parani.
chala nanakva chhoDi kheti kisani.
na puchhesi kehu tau patarka makhani.
akelai chali laike jhora ma lugri.
ghazab neek lagai i sangam kai nagri.
reti ma chamkat ahai tent baDa.
jama sadhu santan kai vohma akhaDa.
chuvai jamike kuhira, parai jamike jaDa.
bajai khob ghamagham dharam kai nagaDa.
chhiDai ramadhun tau bajai man kai khanjhri.
ghazab neek lagai i sangam kai nagri.
ki chariu moon jhanDa gaDa laal pila.
katau paravchan tau katau ramlila.
manohara pahiri saDi banike chhabila.
dekhavat raha Daans bahutai lachil
ohi pai phida hoi gava dost jigri.
ghazab neek lagai i sangam kai nagri.
ghare maan je sabse jhaDap kart batai.
au bhain kai hinsa haDap kart batai.
hiyan uu bhorahrin se jap kart batai.
andheren se asnan tap kart batai.
ii bhatka musaphir chalai sojh Dagri.
ghazab neek lagai i sangam kai nagri.
sagiyan buDhva gadela chala ba.
bhinaukhai se sangam kai rela chala ba.
chhidaye guruji ka chela chala ba.
gajab punnvasi kai mela chala ba.
ghoDaiyan pai larika au muDe pai gathri.
ghazab neek lagai i sangam kai nagri.
kehu naav maan chaDhike phera lagavai.
kehu cheer chunari au mala chaDhavai.
suhagin chalin ghiv kai diyna jaravai.
lagin geet ganga ki mahima kai gavai.
lagavathin buDki dihati au sahri.
ghazab neek lagai i sangam kai nagri.
katau ghaat pai sir muDavat mila kehu.
au sadhu mahatima jenvavat mila kehu.
kalabbas kehuka karavat mila kehu.
au lagga se pani piyavat mila kehu.
ghate pai panDan kai rang rang kai chhatri.
ghazab neek lagai i sangam kai nagri.
bhojan lehe hamhun Datke sivir maan
mula paravchan sunike atke sivir maan.
jau malkin ka dekhe palatke sivir maan.
milin jai vai bhule bhatke sivir maan.
maskat rahin baithi tilva au ghughri.
ghazab neek lagai i sangam kai nagri.
hareri na lautat tau savan na hotai.
ki phir maghmela ma aavan na hotai.
agar ghaat sangam kai pavan na hotai.
tau duniya kai ehmaan nahavan na hotai.
aragh deyan suraj ka jal ek anjuri.
ghazab neek lagai i sangam kai nagri.
hiyan sab mahatima na tau sab pujari.
chalain laike ei phaurachyunar saphari.
kathun kehu chilamchi, kathun kehu juari.
ye nuskha batavat phirain labhakari.
ihai sunike dhai dein goDe pai pagri.
ghazab neek lagai i sangam kai nagri.
duniya bhare se ii aai ba duniya.
sakete ma kaise samai ba duniya.
ii nevata se nahin bolai ba duniya.
milai ganga mai se aai ba duniya.
khuli bhagi hamrau chala aaye jabri.
ghazab neek lagai i sangam kai nagri.
dauDat ki avai jahan duniya sagri.
ghazab neek lagai i sangam kai nagri.
bhala ehakai mahima kahan tak bakhani.
hain dhuni ramaye jahan sant gyani.
na duniya ma ehakai ahai kauno sani.
amirtau se baDhike ii ganga kai pani.
anapat se bhari lya na chhalakai jalahri.
ghazab neek lagai i sangam kai nagri.
ki sasu nanad, devrani jethani.
gadelan ke sathe ma duinav parani.
chala nanakva chhoDi kheti kisani.
na puchhesi kehu tau patarka makhani.
akelai chali laike jhora ma lugri.
ghazab neek lagai i sangam kai nagri.
reti ma chamkat ahai tent baDa.
jama sadhu santan kai vohma akhaDa.
chuvai jamike kuhira, parai jamike jaDa.
bajai khob ghamagham dharam kai nagaDa.
chhiDai ramadhun tau bajai man kai khanjhri.
ghazab neek lagai i sangam kai nagri.
ki chariu moon jhanDa gaDa laal pila.
katau paravchan tau katau ramlila.
manohara pahiri saDi banike chhabila.
dekhavat raha Daans bahutai lachil
ohi pai phida hoi gava dost jigri.
ghazab neek lagai i sangam kai nagri.
ghare maan je sabse jhaDap kart batai.
au bhain kai hinsa haDap kart batai.
hiyan uu bhorahrin se jap kart batai.
andheren se asnan tap kart batai.
ii bhatka musaphir chalai sojh Dagri.
ghazab neek lagai i sangam kai nagri.
sagiyan buDhva gadela chala ba.
bhinaukhai se sangam kai rela chala ba.
chhidaye guruji ka chela chala ba.
gajab punnvasi kai mela chala ba.
ghoDaiyan pai larika au muDe pai gathri.
ghazab neek lagai i sangam kai nagri.
kehu naav maan chaDhike phera lagavai.
kehu cheer chunari au mala chaDhavai.
suhagin chalin ghiv kai diyna jaravai.
lagin geet ganga ki mahima kai gavai.
lagavathin buDki dihati au sahri.
ghazab neek lagai i sangam kai nagri.
katau ghaat pai sir muDavat mila kehu.
au sadhu mahatima jenvavat mila kehu.
kalabbas kehuka karavat mila kehu.
au lagga se pani piyavat mila kehu.
ghate pai panDan kai rang rang kai chhatri.
ghazab neek lagai i sangam kai nagri.
bhojan lehe hamhun Datke sivir maan
mula paravchan sunike atke sivir maan.
jau malkin ka dekhe palatke sivir maan.
milin jai vai bhule bhatke sivir maan.
maskat rahin baithi tilva au ghughri.
ghazab neek lagai i sangam kai nagri.
hareri na lautat tau savan na hotai.
ki phir maghmela ma aavan na hotai.
agar ghaat sangam kai pavan na hotai.
tau duniya kai ehmaan nahavan na hotai.
aragh deyan suraj ka jal ek anjuri.
ghazab neek lagai i sangam kai nagri.
hiyan sab mahatima na tau sab pujari.
chalain laike ei phaurachyunar saphari.
kathun kehu chilamchi, kathun kehu juari.
ye nuskha batavat phirain labhakari.
ihai sunike dhai dein goDe pai pagri.
ghazab neek lagai i sangam kai nagri.
duniya bhare se ii aai ba duniya.
sakete ma kaise samai ba duniya.
ii nevata se nahin bolai ba duniya.
milai ganga mai se aai ba duniya.
khuli bhagi hamrau chala aaye jabri.
ghazab neek lagai i sangam kai nagri.
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
