(किन्तु उन बंधुओं लिए नहीं है जो पढ़-लिखकर ईमानदारी पूर्वक अपने पेशे में संलग्न हैं)
एहि संविधान की छाती मा हम ठोंके कइयव कील अही।
बहुतय दहपट्ट वकील अही।
होत भिनौखै सूट बूट हम साँटि कचेहरी आईथा।
हाकिम हुक्काम अहइँ जेतना सबका जैरमी बजाईथा।
सबका पूँछीथा चाय पान सिगरेट अउर रजनीगंधा।
पहिले फंसाइ के पूँजी हम फैलाईथा आपन धंधा।
टुटपुँजिहा फकटदलालन से हम आगे कइयव मील अही।
बहुतय दहपट्ट वकील अही।
ऊ नकल खतौनी नापजोख या खेते मेड़े कै झगड़ा।
बैनामा खारिज़ दाखिल या मामिला होय कउनउ तगड़ा।
कुछ तौ थानेन से निपटि जाइ औ कुछ की खातिर कोर्ट अहै।
हमरे बस्ता पइ आइ परा तौ वोहका खुला सपोर्ट अहै।
हर नवा मुवक्किल की खातिर हमहिन पूरी तहसील अही।
बहुतय दहपट्ट वकील अही।
कुछ रहा मामिला थान्हे के हम पहुँचि गए कोतवाली मा।
एक नवा दरोगा आइ रहा ऊ कहेसि न फँसब दलाली मा।
हम कहे कि वरदी के बल पै काहे एतना गुर्रात अहा।
तू बड़का हरिश्चंद्र बनिके कानून बेंचिके खात अहा।
ऊ कुछ बतियै से बटुरि गवा कुछ देखइव माँ भड़कील अही।
बहुतय दहपट्ट वकील अही।
काल्है देखा हम एक मामिला पैमाइस कै पाइ गए।
नेकपाल का पूजिपाजि के नोटिस भाए दबाइ गए।
फिर नापजोख माँ दुइ लाठा दूसरी कइती घुसवाय दीन।
चिल्लान बहुत, नाचेस-कूदेस मुल तबतक सब निपटाय दीन।
छीनाझपटी माँ बाझ अही नोंचै-खोंचै माँ चील अही।
बहुतय दहपट्ट वकील अही।
ना कउनव काम असंभव बा ना तौ केहुका नहिकारी हम।
झूठ-मूठ, छल-कपट, लुच्चई भरे अही मक्कारी हम।
हर एक चीजे कै दाम अलग जे जइसे चाहै काम करी।
पइसा पाई तौ झट्ट मोकदमा भगवानौ के नाम करी।
जे फौरन नगद ना पकड़ावै वोकरे कामे मा ढील अही।
बहुतय दहपट्ट वकील अही।
एकदिन हम तू-तू-मैं-मैं मा कइयव धारा लगवाय दीन।
दूबे का कुछ पइसा दइके फरजी मेडिकल करवाय दीन।
जे अहै सिपाही हल्का कै सौ रुपिया लाठी फिक्स अहै।
हर गारी पइ रुपिया पचास, हज्जार मा दुइनव मिक्स अहै।
अइसेन कामे मा कुटिल अही निरदई अही असलील अही।
बहुतय दहपट्ट वकील अही।
धनिया, मिर्चा, सब्जी, रासन, सबमा लेई कंसेसन हम।
रेक्सा पै बइठी अंटि जाई दुइ रुपिया मा इस्टेसन हम।
हर दफ्तर माँ लड़ि जाई जौ देहीं पै करिया कोट रहइ।
कुलतिव हमरै हेकड़ी चलै हर मनई बनिके छोट रहइ।
हम झूंठ-फुरा कै बीसन ठी झोरा माँ धरे दलील अही।
बहुतय दहपट्ट वकील अही।
लरिका-बच्चा सलकंत नहीं ना सोइ मिलै ना खाय मिलै।
एहि तरा कमाई बिरथा बा जेहमाँ दुखियन कै हाय मिलै।
एहि दलदल वाले रस्ता से अपुना का मोड़ा चाहीथा।
ई फकटदलाली कै धंधा अब बिल्कुल छोड़ा चाहीथा।
हमरेउ दीदा माँ सरम अहै, जिन समझै केहू कुसील अही।
बहुतय दहपट्ट वकील अही।
(kintu un bandhuon liye nahin hai jo paDh likhkar iimandari purvak apne peshe mein sanlagn hain)
ehi sanvidhan ki chhati ma hum thonke kaiyav keel ahi.
bahutay dahpatt vakil ahi.
hot bhinaukhai soot boot hum santi kachehari aitha.
hakim hukkam ahain jetna sabka jairmi bajaitha.
sabka punchhitha chaay paan sigret aur rajnigandha.
pahile phansai ke punji hum phailaitha aapan dhandha.
tutapunjiha phakatadlalan se hum aage kaiyav meel ahi.
bahutay dahpatt vakil ahi.
uu nakal khatauni napjokh ya khete meDe kai jhagDa.
bainama khariz dakhil ya mamila hoy kaunau tagDa.
kuch tau thanen se nipati jai au kuch ki khatir kort ahai.
hamre basta pai aai para tau vohka khula saport ahai.
har nava muvakkil ki khatir hamhin puri tahsil ahi.
bahutay dahpatt vakil ahi.
kuch raha mamila thanhe ke hum pahunchi gaye kotavali ma.
ek nava daroga aai raha uu kahesi na phansab dalali ma.
hum kahe ki vardi ke bal pai kahe etna gurrat aha.
tu baDka harishchandr banike kanun benchike khaat aha.
uu kuch batiyai se baturi gava kuch dekhiv maan bhaDkil ahi.
bahutay dahpatt vakil ahi.
kalhai dekha hum ek mamila paimais kai pai gaye.
nekpal ka pujipaji ke notis bhaay dabai gaye.
phir napjokh maan dui latha dusri kaiti ghusvay deen.
chillan bahut, naches kudes mul tabtak sab niptay deen.
chhinajhapti maan baajh ahi nonchai khonchai maan cheel ahi.
bahutay dahpatt vakil ahi.
na kaunav kaam asambhav ba na tau kehuka nahikari hum.
jhooth mooth, chhal kapat, luchchii bhare ahi makkari hum.
har ek chije kai daam alag je jaise chahai kaam kari.
paisa pai tau jhatt mokadma bhagvanau ke naam kari.
je phauran nagad na pakDavai vokre kame ma Dheel ahi.
bahutay dahpatt vakil ahi.
ekdin hum tu tu main main ma kaiyav dhara lagvay deen.
dube ka kuch paisa daike pharji meDikal karvay deen.
je ahai sipahi halka kai sau rupiya lathi phiks ahai.
har gari pai rupiya pachas, hajjar ma duinav miks ahai.
aisen kame ma kutil ahi niradii ahi aslil ahi.
bahutay dahpatt vakil ahi.
dhaniya, mircha, sabji, rasan, sabma lei kansesan hum.
reksa pai baithi anti jai dui rupiya ma istesan hum.
har daphtar maan laDi jai jau dehin pai kariya kot rahai.
kultiv hamarai hekDi chalai har manii banike chhot rahai.
hum jhoonth phura kai bisan thi jhora maan dhare dalil ahi.
bahutay dahpatt vakil ahi.
larika bachcha salkant nahin na soi milai na khaay milai.
ehi tara kamai birtha ba jehman dukhiyan kai haay milai.
ehi daldal vale rasta se apuna ka moDa chahitha.
ii phakatadlali kai dhandha ab bilkul chhoDa chahitha.
hamreu dida maan saram ahai, jin samajhai kehu kusil ahi.
bahutay dahpatt vakil ahi.
(kintu un bandhuon liye nahin hai jo paDh likhkar iimandari purvak apne peshe mein sanlagn hain)
ehi sanvidhan ki chhati ma hum thonke kaiyav keel ahi.
bahutay dahpatt vakil ahi.
hot bhinaukhai soot boot hum santi kachehari aitha.
hakim hukkam ahain jetna sabka jairmi bajaitha.
sabka punchhitha chaay paan sigret aur rajnigandha.
pahile phansai ke punji hum phailaitha aapan dhandha.
tutapunjiha phakatadlalan se hum aage kaiyav meel ahi.
bahutay dahpatt vakil ahi.
uu nakal khatauni napjokh ya khete meDe kai jhagDa.
bainama khariz dakhil ya mamila hoy kaunau tagDa.
kuch tau thanen se nipati jai au kuch ki khatir kort ahai.
hamre basta pai aai para tau vohka khula saport ahai.
har nava muvakkil ki khatir hamhin puri tahsil ahi.
bahutay dahpatt vakil ahi.
kuch raha mamila thanhe ke hum pahunchi gaye kotavali ma.
ek nava daroga aai raha uu kahesi na phansab dalali ma.
hum kahe ki vardi ke bal pai kahe etna gurrat aha.
tu baDka harishchandr banike kanun benchike khaat aha.
uu kuch batiyai se baturi gava kuch dekhiv maan bhaDkil ahi.
bahutay dahpatt vakil ahi.
kalhai dekha hum ek mamila paimais kai pai gaye.
nekpal ka pujipaji ke notis bhaay dabai gaye.
phir napjokh maan dui latha dusri kaiti ghusvay deen.
chillan bahut, naches kudes mul tabtak sab niptay deen.
chhinajhapti maan baajh ahi nonchai khonchai maan cheel ahi.
bahutay dahpatt vakil ahi.
na kaunav kaam asambhav ba na tau kehuka nahikari hum.
jhooth mooth, chhal kapat, luchchii bhare ahi makkari hum.
har ek chije kai daam alag je jaise chahai kaam kari.
paisa pai tau jhatt mokadma bhagvanau ke naam kari.
je phauran nagad na pakDavai vokre kame ma Dheel ahi.
bahutay dahpatt vakil ahi.
ekdin hum tu tu main main ma kaiyav dhara lagvay deen.
dube ka kuch paisa daike pharji meDikal karvay deen.
je ahai sipahi halka kai sau rupiya lathi phiks ahai.
har gari pai rupiya pachas, hajjar ma duinav miks ahai.
aisen kame ma kutil ahi niradii ahi aslil ahi.
bahutay dahpatt vakil ahi.
dhaniya, mircha, sabji, rasan, sabma lei kansesan hum.
reksa pai baithi anti jai dui rupiya ma istesan hum.
har daphtar maan laDi jai jau dehin pai kariya kot rahai.
kultiv hamarai hekDi chalai har manii banike chhot rahai.
hum jhoonth phura kai bisan thi jhora maan dhare dalil ahi.
bahutay dahpatt vakil ahi.
larika bachcha salkant nahin na soi milai na khaay milai.
ehi tara kamai birtha ba jehman dukhiyan kai haay milai.
ehi daldal vale rasta se apuna ka moDa chahitha.
ii phakatadlali kai dhandha ab bilkul chhoDa chahitha.
hamreu dida maan saram ahai, jin samajhai kehu kusil ahi.
bahutay dahpatt vakil ahi.
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
