बड़का तेवारी मरेन अबकी जाड़ा।
रहेन लाख दुसमन तबो मोछ टेयेन।
आँधी-तुफाने वोई नाव खेयेन।
मेहरारू मरिगै न भा एक्को लरिका,
जिनगी भै भाइन कै परिवार सेयेन।
खुला वोनकी ख़ातिर सरग कै केवाड़ा।
बड़का तेवारी मरेंन अबकी जाड़ा।
कबो केहुकै ना आतिमा वै दुखाएँन।
करेन पैसरम ख़ूब खेती कमाएँन।
ना मंदिर, ना पूजा, ना घंटी, ना माला,
हमेसा करम का धरम वै बताएँन।
कहेन मर्द कै जिंदगी आ अखाड़ा।
बड़का…
जउन बात आई तेवारी के मन मा।
कहै के जे रोकै अबै ऊ ना जन्मा।
न तौ इरखादोखी, ना कपटी, न घाती,
न सामिल भयेन वै केहू के पतन मा।
कहैं काम केहुकै कबौ जिन बिगाड़ा।
बड़का…
कबौ भाय लालच मा हरगिज फंस्या जिन।
तेवारी कहैं केहुकै गटई कस्या जिन।
होइ जाय गलती भले जउन तोहसे,
मुला भूलि के केहुके उप्पर हंस्या जिन,
हसीं द्रोपदी बाज खूनी नगाड़ा।
बड़का…
कक्कू के तेरही मा भै खाबाखइया।
एकट्ठा भयेन नात,घर,गावँ भइया।
कहेन कुछ जने वै जौ पोइहैं ना खाबै,
तेवारी कहेन हम रहब अब पोवइया।
जानीथा सबका बहुत जिन दहाड़ा।
बड़का…
होली मा उनकै अजब रंग देखा।
लरिकन के साथे मा हुड़दंग देखा।
मस्ती मा फरकत गली गावँ टोला,
पिये ठंडई खोब छनी भंग देखा।
गावत कबीरा लेहे दस लुंगाडा।
बड़का…
करा भेद भइया तानी पद-कुपद मा।
तिफरका ना डारा तू भउजी-ननद मा।
तेवारी कहैं बात गठियाय ल्या तू,
हमेसा रह्या भाय तू अपनी हद मा।
केहुके दुआरे पै खूंटा ना गाड़ा।
बड़का…
जब तक जवानी रही खेल खेलेन।
अंतिम दिना मा बहुत कस्ट झेलेन।
जेकरे बरे जिन्दगी भै मरेंन वै,
ऊ घर से निकारिस तौ रहिगें अकेलेन।
रेक्सा चलायेंन औ बेचेन सिंघाड़ा।
बड़का…
तेवारी बेचारू तौ जल्दी निसरिगें।
मुला साल बीता ना सबकेउ बिसरिगें।
तेवारी कहैं वै तौ जीते जी मरिगें,
अगर केहु निगाहे से केहुके उतरिगें।
पढ़ाया न केहुका दुखे मा पहाड़ा।
बड़का…
baDka tevari maren abki jaDa.
rahen laakh dusman tabo mochh teyen.
andhi tuphane voi naav kheyen.
mehraru marigai na bha ekko larika,
jingi bhai bhain kai parivar seyen.
khula vonki khatir sarag kai kevaDa.
baDka tevari marenn abki jaDa.
kabo kehukai na atima vai dukhayenn.
karen paisram khoob kheti kamayenn.
na mandir, na puja, na ghanti, na mala,
hamesa karam ka dharam vai batayenn.
kahen mard kai jindgi aa akhaDa.
baDka…
jaun baat aai tevari ke man ma.
kahai ke je rokai abai uu na janma.
na tau irkhadokhi, na kapti, na ghati,
na samil bhayen vai kehu ke patan ma.
kahain kaam kehukai kabau jin bigaDa.
baDka…
kabau bhaay lalach ma hargij phansya jin.
tevari kahain kehukai gatii kasya jin.
hoi jaay galti bhale jaun tohse,
mula bhuli ke kehuke uppar hansya jin,
hasin daropdi baaj khuni nagaDa.
baDka…
kakku ke terhi ma bhai khabakhaiya.
ekattha bhayen naat,ghar,gavan bhaiya.
kahen kuch jane vai jau poihain na khabai,
tevari kahen hum rahab ab povaiya.
janitha sabka bahut jin dahaDa.
baDka…
holi ma unakai ajab rang dekha.
larikan ke sathe ma huDdang dekha.
masti ma pharkat gali gavan tola,
piye thanDii khob chhani bhang dekha.
gavat kabira lehe das lungaDa.
baDka…
kara bhed bhaiya tani pad kupad ma.
tipharka na Dara tu bhauji nanad ma.
tevari kahain baat gathiyay lya tu,
hamesa rahya bhaay tu apni had ma.
kehuke duare pai khunta na gaDa.
baDka…
jab tak javani rahi khel khelen.
antim dina ma bahut kast jhelen.
jekre bare jindgi bhai marenn vai,
uu ghar se nikaris tau rahigen akelen.
reksa chalayenn au bechen singhaDa.
baDka…
tevari becharu tau jaldi nisarigen.
mula saal bita na sabkeu bisarigen.
tevari kahain vai tau jite ji marigen,
agar kehu nigahe se kehuke utarigen.
paDhaya na kehuka dukhe ma pahaDa.
baDka…
baDka tevari maren abki jaDa.
rahen laakh dusman tabo mochh teyen.
andhi tuphane voi naav kheyen.
mehraru marigai na bha ekko larika,
jingi bhai bhain kai parivar seyen.
khula vonki khatir sarag kai kevaDa.
baDka tevari marenn abki jaDa.
kabo kehukai na atima vai dukhayenn.
karen paisram khoob kheti kamayenn.
na mandir, na puja, na ghanti, na mala,
hamesa karam ka dharam vai batayenn.
kahen mard kai jindgi aa akhaDa.
baDka…
jaun baat aai tevari ke man ma.
kahai ke je rokai abai uu na janma.
na tau irkhadokhi, na kapti, na ghati,
na samil bhayen vai kehu ke patan ma.
kahain kaam kehukai kabau jin bigaDa.
baDka…
kabau bhaay lalach ma hargij phansya jin.
tevari kahain kehukai gatii kasya jin.
hoi jaay galti bhale jaun tohse,
mula bhuli ke kehuke uppar hansya jin,
hasin daropdi baaj khuni nagaDa.
baDka…
kakku ke terhi ma bhai khabakhaiya.
ekattha bhayen naat,ghar,gavan bhaiya.
kahen kuch jane vai jau poihain na khabai,
tevari kahen hum rahab ab povaiya.
janitha sabka bahut jin dahaDa.
baDka…
holi ma unakai ajab rang dekha.
larikan ke sathe ma huDdang dekha.
masti ma pharkat gali gavan tola,
piye thanDii khob chhani bhang dekha.
gavat kabira lehe das lungaDa.
baDka…
kara bhed bhaiya tani pad kupad ma.
tipharka na Dara tu bhauji nanad ma.
tevari kahain baat gathiyay lya tu,
hamesa rahya bhaay tu apni had ma.
kehuke duare pai khunta na gaDa.
baDka…
jab tak javani rahi khel khelen.
antim dina ma bahut kast jhelen.
jekre bare jindgi bhai marenn vai,
uu ghar se nikaris tau rahigen akelen.
reksa chalayenn au bechen singhaDa.
baDka…
tevari becharu tau jaldi nisarigen.
mula saal bita na sabkeu bisarigen.
tevari kahain vai tau jite ji marigen,
agar kehu nigahe se kehuke utarigen.
paDhaya na kehuka dukhe ma pahaDa.
baDka…
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
