सत् सिरी अकाल, जय सिरीराम,
गुडबाई, वालेकुम सलाम।
पैलगी करैं, आसीस देंय,
यहि खेत्ता कै सब खास-आम।
अबकी तौ भया बेदरदी अस,
जइसे एकदमै भुलाइ गया।
आखिर काहे रिसियाइ गया?
वोटे खातिर तू जब आया,
बल भै आदर-सत्कार कीन।
जितवावइ खातिर तोहका हम,
हर कस्बा-गली गोहार कीन।
केउका समझाये-फुसलाये,
कुछ की खातिर फुफकार कीन।
कुछ का तोहरे वोटे खातिर,
बँटवाये कंबल-मारकीन।
सारा नुस्खा कप्चरिंग बरे,
रतियइ मा आय बताइ गया।
आखिर काहे रिसियाइ गया?
ऊ दिन हम कइसे भूलि सकब,
जब वोटे मा तू आया हा।
जनता कै दुख समझे-बूझै का,
गली-गली मा धाया हा।
रमटहला की ठाई सँझा का,
टुटही खटिया पाया हा।
चूनी के रोटी माठा के सँग,
बड़े प्रेम से खाया हा।
हम खुद किसान कै पूत अही,
ई बात हमैं बतियाइ गया।
आखिर काहे रिसियाइ गया?
बिसुआस कीन तोहरे ऊपर,
तोहका आपन आँघट समझे।
भारतमाता की नइया कै,
तोहका सच्चा केवट समझे।
तोहका हम कल्पवृच्छ समझे,
हम तोहका अच्छयबट समझे।
आसा-बगिया सींचै खातिर,
तोहका हम अमरितघट समझे।
आस्वासन कै कम्पट दइके,
लरिका अस तू फुसलाइ गया।
आखिर काहे रिसियाइ गया?
नाहीं आया मुल कहे रहया,
अउबै फुलवा की सादी मा।
अस ढीठ होइ गया काउ कही,
का तावा बाट्या नाँदी मा।
तोहरी खातिर कीचड़ केतना,
उछरत बाटै आबादी मा।
तू धब्बा अस परि गया भाय,
गाँधी बाबा की खादी मा।
भा कउन कसुरवा हम सबसे,
जउने से आज कोंहाइ गया।
आखिर काहे रिसियाइ गया?
पाया ओहदा रजधानी मा,
सुनतै हम सब छोड़ गये धन्न।
तोहरे जीतै के समाचार पउतै,
सैलानी भए सन्न।
उद्घाटन-सिलान्यास खातिर,
तू दौड़त बाट्या दक्ष-दन्न।
सरकारी गाड़ी पाइ गया,
चारिउ मूँ धावा सन्न- सन्न।
हम सब चाहे भट्ठे जाई,
तू आपन कुर्सी पाइ गया।
आखिर काहे रिसियाइ गया?
तू मालपुआ काटत बाट्या,
हम कइसेव दिन काटत बाटे।
तू पिया रम्म-भिस्की-ताड़ी,
हम ओस-बूँद चाटत बाटे।
तू मौज करा मँसूरी मा,
हम परा रही बेते-मेड़े।
तू एयरकूल्ड मा ऐस करा,
हम छाँह गही पेड़े-पेड़े।
कलजुगहा देउता बनिके तू,
धरती अम्बर मा छाइ गया।
आखिर काहे रिसियाइ गया?
जब परी डकैची बदलू के,
तब रहें दरोगा गाँवै मा।
कुछ रहेन सिपाही पिये परा,
होइगा उँजियार जगावै मा।
इज्जतिया चम्पी कै लूटेन,
कुछ गुंडै खड़ी दुपहरी मा।
दुइ बिस्सा गँजी खोदि उठी,
मतऊ कै आज भोरहरी मा।
चारिउ मूँ हाहाकार मचा,
तू बँगला मा ओलियाइ गया।
आखिर काहे रिसियाइ गया?
हमका नीमर जिन जान्या तू,
औकात बतावै जानी थे।
जे दुख मा हमरे साथ रहै,
हम ओहका नेता मानी थे।
वोटे खातिर अबकी अउब्या,
गरियाउव गटई फारि-फारि।
मेहररुअै तोहका बस्ती से,
बहिअइहैं ताना मारि-मारि।
समझे 'अनीस' नैनू तोहका,
तू माठा अस अमिलाइ गया।
आखिर काहे रिसियाइ गया?
sat siri akal, jay siriram,
guDbai, valekum salam.
pailagi karain, asis denya,
yahi khetta kai sab khaas aam.
abki tau bhaya bedardi as,
jaise ekadamai bhulai gaya.
akhir kahe risiyai gaya?
vote khatir tu jab aaya,
bal bhai aadar satkar keen.
jitvavai khatir tohka hum,
har kasba gali gohar keen.
keuka samjhaye phuslaye,
kuch ki khatir phuphkar keen.
kuch ka tohre vote khatir,
bantvaye kambal marakin.
sara nuskha kapchring bare,
ratiyai ma aay batai gaya.
akhir kahe risiyai gaya?
uu din hum kaise bhuli sakab,
jab vote ma tu aaya ha.
janta kai dukh samjhe bujhai ka,
gali gali ma dhaya ha.
ramatahla ki thai sanjha ka,
tuthi khatiya paya ha.
chuni ke roti matha ke sang,
baDe prem se khaya ha.
hum khud kisan kai poot ahi,
ii baat hamain batiyai gaya.
akhir kahe risiyai gaya?
bisuas keen tohre uupar,
tohka aapan anghat samjhe.
bharatmata ki naiya kai,
tohka sachcha kevat samjhe.
tohka hum kalpvrichchh samjhe,
hum tohka achchhaybat samjhe.
aasa bagiya sinchai khatir,
tohka hum amaritghat samjhe.
asvasan kai kampat daike,
larika as tu phuslai gaya.
akhir kahe risiyai gaya?
nahin aaya mul kahe rahya,
aubai phulva ki sadi ma.
as Dheeth hoi gaya kau kahi,
ka tava batya nandi ma.
tohri khatir kichaD ketna,
uchhrat batai abadi ma.
tu dhabba as pari gaya bhaay,
gandhi baba ki khadi ma.
bha kaun kasurva hum sabse,
jaune se aaj konhai gaya.
akhir kahe risiyai gaya?
paya ohda rajdhani ma,
sunatai hum sab chhoD gaye dhann.
tohre jitai ke samachar pautai,
sailani bhe sann.
udghatan silanyas khatir,
tu dauDat batya daksh dann.
sarkari gaDi pai gaya,
chariu moon dhava sann sann.
hum sab chahe bhatthe jai,
tu aapan kursi pai gaya.
akhir kahe risiyai gaya?
tu malapua katat batya,
hum kaisev din katat bate.
tu piya ramm bhiski taDi,
hum os boond chatat bate.
tu mauj kara mansuri ma,
hum para rahi bete meDe.
tu eyarkulD ma ais kara,
hum chhaanh gahi peDe peDe.
kalajugha deuta banike tu,
dharti ambar ma chhai gaya.
akhir kahe risiyai gaya?
jab pari Dakaichi badlu ke,
tab rahen daroga ganvai ma.
kuch rahen sipahi piye para,
hoiga unjiyar jagavai ma.
ijjatiya champi kai luten,
kuch gunDai khaDi dupahri ma.
dui bissa ganji khodi uthi,
matuu kai aaj bhorahri ma.
chariu moon hahakar macha,
tu bangla ma oliyai gaya.
akhir kahe risiyai gaya?
hamka nimar jin janya tu,
aukat batavai jani the.
je dukh ma hamre saath rahai,
hum ohka neta mani the.
vote khatir abki aubya,
gariyauv gatii phari phari.
mehararuai tohka basti se,
bahiaihain tana mari mari.
samjhe anis nainu tohka,
tu matha as amilai gaya.
akhir kahe risiyai gaya?
sat siri akal, jay siriram,
guDbai, valekum salam.
pailagi karain, asis denya,
yahi khetta kai sab khaas aam.
abki tau bhaya bedardi as,
jaise ekadamai bhulai gaya.
akhir kahe risiyai gaya?
vote khatir tu jab aaya,
bal bhai aadar satkar keen.
jitvavai khatir tohka hum,
har kasba gali gohar keen.
keuka samjhaye phuslaye,
kuch ki khatir phuphkar keen.
kuch ka tohre vote khatir,
bantvaye kambal marakin.
sara nuskha kapchring bare,
ratiyai ma aay batai gaya.
akhir kahe risiyai gaya?
uu din hum kaise bhuli sakab,
jab vote ma tu aaya ha.
janta kai dukh samjhe bujhai ka,
gali gali ma dhaya ha.
ramatahla ki thai sanjha ka,
tuthi khatiya paya ha.
chuni ke roti matha ke sang,
baDe prem se khaya ha.
hum khud kisan kai poot ahi,
ii baat hamain batiyai gaya.
akhir kahe risiyai gaya?
bisuas keen tohre uupar,
tohka aapan anghat samjhe.
bharatmata ki naiya kai,
tohka sachcha kevat samjhe.
tohka hum kalpvrichchh samjhe,
hum tohka achchhaybat samjhe.
aasa bagiya sinchai khatir,
tohka hum amaritghat samjhe.
asvasan kai kampat daike,
larika as tu phuslai gaya.
akhir kahe risiyai gaya?
nahin aaya mul kahe rahya,
aubai phulva ki sadi ma.
as Dheeth hoi gaya kau kahi,
ka tava batya nandi ma.
tohri khatir kichaD ketna,
uchhrat batai abadi ma.
tu dhabba as pari gaya bhaay,
gandhi baba ki khadi ma.
bha kaun kasurva hum sabse,
jaune se aaj konhai gaya.
akhir kahe risiyai gaya?
paya ohda rajdhani ma,
sunatai hum sab chhoD gaye dhann.
tohre jitai ke samachar pautai,
sailani bhe sann.
udghatan silanyas khatir,
tu dauDat batya daksh dann.
sarkari gaDi pai gaya,
chariu moon dhava sann sann.
hum sab chahe bhatthe jai,
tu aapan kursi pai gaya.
akhir kahe risiyai gaya?
tu malapua katat batya,
hum kaisev din katat bate.
tu piya ramm bhiski taDi,
hum os boond chatat bate.
tu mauj kara mansuri ma,
hum para rahi bete meDe.
tu eyarkulD ma ais kara,
hum chhaanh gahi peDe peDe.
kalajugha deuta banike tu,
dharti ambar ma chhai gaya.
akhir kahe risiyai gaya?
jab pari Dakaichi badlu ke,
tab rahen daroga ganvai ma.
kuch rahen sipahi piye para,
hoiga unjiyar jagavai ma.
ijjatiya champi kai luten,
kuch gunDai khaDi dupahri ma.
dui bissa ganji khodi uthi,
matuu kai aaj bhorahri ma.
chariu moon hahakar macha,
tu bangla ma oliyai gaya.
akhir kahe risiyai gaya?
hamka nimar jin janya tu,
aukat batavai jani the.
je dukh ma hamre saath rahai,
hum ohka neta mani the.
vote khatir abki aubya,
gariyauv gatii phari phari.
mehararuai tohka basti se,
bahiaihain tana mari mari.
samjhe anis nainu tohka,
tu matha as amilai gaya.
akhir kahe risiyai gaya?
स्रोत :
रचनाकार : अनीस देहाती
प्रकाशन : हिन्दवी के लिए शैलेंद्र कुमार शुक्ल द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
