दलमलित भेल अछि सभ किछु
एहि राति मे,
कटि रहल अछि
काह जीवनक।
ने अपन सम्हार मे
अछि इजोरिया
ने आकाशक सम्हार मे,
पृथ्वी अपनहि छथि ओलरल
ओकर अनन्त हिलकोर सँ।
एतेक उधकैत अछि
आमक गाछ सभ
निछक्का मधुक
उमतल आवेग सँ,
एतेक सहजोर
भ' गेल अछि
ओकर सभक निसाँस,
जे दोमैत अछि
कलमबाग केँ,
दोमैत अछि तारमतोर!
मधुआयल फूही
तुबैत अछि कोन-कोन मे,
बुन्नी सभ
गुनगुनाइत अछि
ठारिपातक रोम-रोम मे।
उमकैत सुगन्धि
मचबैत अछि
ललछौँह रोर;
एतेक वेग सँ झमारैत अछि
गमक कण-कण केँ,
जे गनगन करैत
उनटैत- पुनटैत अछि
दिगंत।
ई बेलीक फूल सभ
उजहि क'
किएक एना झिकझोरैत अछि
एक दोसरा केँ
किलकैत?
ई हाँजक हाँज
अपराजिताक फूल
किएक एना झिलहरि
खेलाइत अछि
आकाशक एक छोर सँ
दोसर छोर धरि?
किएक एना सभतरि
महने जाइत अछि बसात
सुच्चा दूधक गाब?
खन एतय खन ओतय
भामरि दैत अछि
जुहीक अखलास,
जहँतहँ चकभाउर दैत अछि
केबड़ाक कलनाद?
किछु नहि,
डफराक थाप पर
आवाहन
कयलक अछि काल
एकहि संग राग बहार
आ खमाजक,
जे बजैत अछि
मातल आलाप मे।
आ जुटि रहल अछि
सभटा टुटल सीर
लोकक,
फेर सँ धँसि रहल अछि
जीवन मे:
फेर सँ उमड़ि
रहल अछि
जीबाक हुबा
शोणित मे।
किएक एना काहि कटितो
जिबैत चलि जाइत अछि लोक?
सैकड़ोँ तर्जनी अपन
उठबैत अछि आमक गाछ!
किएक एना गंजन सहैत
चलि जाइत अछि लोक?
ललछौँह आसमर्द
करैत अछि कलमबाग!!
dalamlit bhel achhi sabh kichhu
ehi rati mae,
kati rahal achhi
kaah jivanak.
ne apan samhar mae
achhi ijoriya
ne akashak samhar mae,
prithvi apanahi chhathi olral
okar anant hilkor san.
etek udhkait achhi
aamak gaachh sabh
nichhakka madhuk
umtal aaveg san,
etek sahjor
bha gel achhi
okar sabhak nisans,
je domait achhi
kalambag ken,
domait achhi taramtor!
madhuayal phuhi
tubait achhi kon kon mae,
bunni sabh
gunagunait achhi
tharipatak rom rom mae.
umkait sugandhi
machbait achhi
lalchhaunh ror;
etek veg san jhamarait achhi
gamak kan kan ken,
je gangan karait
untait puntait achhi
digant.
ii belik phool sabh
ujahi ka
kiyek ena jhikjhorait achhi
ek dosra ken
kilkait?
ii hanjak haanj
aprajitak phool
kiyek ena jhilahari
khelait achhi
akashak ek chhor san
dosar chhor dhari?
kiyek ena sabhatari
mahne jait achhi basat
suchcha dudhak gaab?
khan etay khan otay
bhamari dait achhi
juhik akhlas,
jahantahan chakbhaur dait achhi
kebDak kalnad?
kichhu nahi,
Daphrak thaap par
avahan
kaylak achhi kaal
ekahi sang raag bahar
aa khamajak,
je bajait achhi
matal alap mae.
aa juti rahal achhi
sabhta tutal seer
lokak,
pher san dhansi rahal achhi
jivan meh
pher san umaDi
rahal achhi
jibak huba
shonit mae.
kiyek ena kahi katito
jibait chali jait achhi lok?
saikDon tarjani apan
uthbait achhi aamak gaachh!
kiyek ena ganjan sahait
chali jait achhi lok?
lalchhaunh asmard
karait achhi kalambag!!
dalamlit bhel achhi sabh kichhu
ehi rati mae,
kati rahal achhi
kaah jivanak.
ne apan samhar mae
achhi ijoriya
ne akashak samhar mae,
prithvi apanahi chhathi olral
okar anant hilkor san.
etek udhkait achhi
aamak gaachh sabh
nichhakka madhuk
umtal aaveg san,
etek sahjor
bha gel achhi
okar sabhak nisans,
je domait achhi
kalambag ken,
domait achhi taramtor!
madhuayal phuhi
tubait achhi kon kon mae,
bunni sabh
gunagunait achhi
tharipatak rom rom mae.
umkait sugandhi
machbait achhi
lalchhaunh ror;
etek veg san jhamarait achhi
gamak kan kan ken,
je gangan karait
untait puntait achhi
digant.
ii belik phool sabh
ujahi ka
kiyek ena jhikjhorait achhi
ek dosra ken
kilkait?
ii hanjak haanj
aprajitak phool
kiyek ena jhilahari
khelait achhi
akashak ek chhor san
dosar chhor dhari?
kiyek ena sabhatari
mahne jait achhi basat
suchcha dudhak gaab?
khan etay khan otay
bhamari dait achhi
juhik akhlas,
jahantahan chakbhaur dait achhi
kebDak kalnad?
kichhu nahi,
Daphrak thaap par
avahan
kaylak achhi kaal
ekahi sang raag bahar
aa khamajak,
je bajait achhi
matal alap mae.
aa juti rahal achhi
sabhta tutal seer
lokak,
pher san dhansi rahal achhi
jivan meh
pher san umaDi
rahal achhi
jibak huba
shonit mae.
kiyek ena kahi katito
jibait chali jait achhi lok?
saikDon tarjani apan
uthbait achhi aamak gaachh!
kiyek ena ganjan sahait
chali jait achhi lok?
lalchhaunh asmard
karait achhi kalambag!!
स्रोत :
पुस्तक : एना त नहि जे (पृष्ठ 91)रचनाकार : हरेकृष्ण झा
प्रकाशन : रक्तमंजरी प्रकाशन
संस्करण : 2006
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
