आएल अषाढ़, आएल अषाढ़।
भए गेल तिरोहित गृष्म-गाढ़॥
झर-झर झर-झर झहरए फुहार।
खुजि गेल प्रकृति-मन्दिर-द्वार॥
कए रहल कमल मुसकान-दान।
दादुर, झिङ्गुर विरुदक बखान॥
हीतल शीतल, सुख ओत-प्रोत।
टुटि चलल नदी-नद-प्रेम-स्रोत॥
वन-वीथीमे मञ्जुल विकास।
कलिका-कलिकामे मधुर हास॥
नहि शुष्क, विपट-अधर-प्रदेश।
छलकए छल-छल अमृत अशेष॥
केतकी, कुटज लुटबए पराग।
जागल कदम्बहुक सुप्त भाग॥
अछि मान-हीन प्रणयिनी-प्राण।
कुलटा-चपला क्रोधित महान॥
गर्जए-तर्जए तजि लाज घोर।
सुनि-सुनि नाचथि अति मुदित मोर॥
आहा! वसुधो छथि प्रेम अन्ध।
उड़ि रहल हुनक वासना-गन्ध॥
सर्वत्र भरल उल्लास-हास।
आशान्वित अछि चातक निराश॥
करपूर भेल प्रणयीक रोष।
गुणमे परिणत एहि काल दोष॥
कतिपय अबला केँ साधि-साधि।
लेलक विरहो चिरतर समाधि॥
नीरस जीवन भए सरस गेल।
कामना-विटप फल फूल भेल॥
लहलहा उठल तृण-राशि-जाल।
पुलकित समान, बक की मराल॥
अनुरागवती कल्पनो आइ।
हुनकहिँ हाथेँ हमहूँ बिकाइ॥
“जनि रहथु आब 'मैथिली' दीन।
पावसमे के सुषमा-विहीन?
सत्वरहिँ हएत नैराश्य-नाश।
कविता-कानन कोकिलक वास
कवि मङ्गल-साधन साधि लेथु।
वीणा-वादिनि वर-दान देथु॥
'भुवनेश'! पूर्ण हो जगक आश।
'भुवन'क नित नव प्रतिभा-विकास॥
aayel ashaDh, aayel ashaDh.
bhe gel tirohit grishm gaaDh॥
jhar jhar jhar jhar jhahare phuhar.
khuji gel prkriti mandir dvaar॥
ke rahal kamal muskan daan.
dadur, jhingur virudak bakhan॥
hital shital, sukh ot prot.
tuti chalal nadi nad prem srot॥
van vithime manjul vikas.
kalika kalikame madhur haas॥
nahi shushk, vipat adhar pardesh.
chhalake chhal chhal amrit ashesh॥
ketki, kutaj lutabe praag.
jagal kadambhuk supt bhaag॥
achhi maan heen pranayini praan.
kulata chapla krodhit mahan॥
garje tarje taji laaj ghor.
suni suni nachathi ati mudit mor॥
aha! vasudho chhathi prem andh.
uDi rahal hunak vasana gandh॥
sarvatr bharal ullaas haas.
ashanvit achhi chatak nirash॥
karpur bhel pranyik rosh.
gunme parinat ehi kaal dosh॥
katipay abla ken sadhi sadhi.
lelak virho chirtar samadhi॥
niras jivan bhe saras gel.
kamna vitap phal phool bhel॥
lahlaha uthal trin rashi jaal.
pulkit saman, bak ki maral॥
anuragavti kalpno aai.
hunakahin hathen hamhun bikai॥
“jani rahathu aab maithili deen.
pavasme ke sushama vihin?
satvarahin het nairashya naash.
kavita kanan kokilak vaas
kavi mangal sadhan sadhi lethu.
vina vadini var daan dethu॥
bhuvnesh! poorn ho jagak aash.
bhuvanka nit nav pratibha vikas॥
aayel ashaDh, aayel ashaDh.
bhe gel tirohit grishm gaaDh॥
jhar jhar jhar jhar jhahare phuhar.
khuji gel prkriti mandir dvaar॥
ke rahal kamal muskan daan.
dadur, jhingur virudak bakhan॥
hital shital, sukh ot prot.
tuti chalal nadi nad prem srot॥
van vithime manjul vikas.
kalika kalikame madhur haas॥
nahi shushk, vipat adhar pardesh.
chhalake chhal chhal amrit ashesh॥
ketki, kutaj lutabe praag.
jagal kadambhuk supt bhaag॥
achhi maan heen pranayini praan.
kulata chapla krodhit mahan॥
garje tarje taji laaj ghor.
suni suni nachathi ati mudit mor॥
aha! vasudho chhathi prem andh.
uDi rahal hunak vasana gandh॥
sarvatr bharal ullaas haas.
ashanvit achhi chatak nirash॥
karpur bhel pranyik rosh.
gunme parinat ehi kaal dosh॥
katipay abla ken sadhi sadhi.
lelak virho chirtar samadhi॥
niras jivan bhe saras gel.
kamna vitap phal phool bhel॥
lahlaha uthal trin rashi jaal.
pulkit saman, bak ki maral॥
anuragavti kalpno aai.
hunakahin hathen hamhun bikai॥
“jani rahathu aab maithili deen.
pavasme ke sushama vihin?
satvarahin het nairashya naash.
kavita kanan kokilak vaas
kavi mangal sadhan sadhi lethu.
vina vadini var daan dethu॥
bhuvnesh! poorn ho jagak aash.
bhuvanka nit nav pratibha vikas॥
स्रोत :
पुस्तक : भुवनेश्वर सिंह ‘भुवन’ रचना-संचयन (पृष्ठ 105)संपादक : अजीत मिश्र रचनाकार : भुवनेश्वर सिंह ‘भुवन’
प्रकाशन : साहित्य अकादेमी, नई दिल्ली
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
