बरु तीते रहैक
मुदा अपन बाड़ीक त' रहैक
सुआद पैघ आ कि अपनैती
मुदा नहि
ओकरा भेलै जे
नहि बुझना जा रहलैक
ओकर महत्व, ओकर मूल्य
ओकर नजरि गेलैक
अपने सन दोसर सागपर
नीक जकाँ खोंटल
काँटि-छाँटिक', सजाक' राखल
बड़का-बड़का बजार किंबा मॉलमे
कतेक सोहनगर कतेक देखनौक कतेक मूल्यवान
कहू त’
ई सभ देखि
कोना पसीन पड़ितैक ओकरा
अपन दुर्गति
जकरा मोन फुरलैक
आनि लेलक खोटिक' पथियाक-पथिया
बना लेलक दलिसग्गा
सुड़कने जा रहल तकरा बट्टाक-बट्टा
नहुँए-नहुँए ओ परिचित भ' चुकल अछि
अपनासँ
बूझि चुकल अछि अपन महत्वकेँ
अपनाकेँ चिन्हबाक क्रममे
ओ तय कयलक
बाड़ीसँ बाजार धरिक यात्रा
किनसाइत यैह रहैक
ओकर विकास यात्रा
सशक्त होयबाक उपक्रम...
आइ बड्ड पूछ छैक ओकर बजारमे
ओ छैक आब एकटा पैघ ब्रांड
जे तय करैत छैक बजारक परिदृश्य
सरिपहुँ बहुमूल्य भ' गेल अछि 'ओ'
मुदा!
बरु तीते रहैक
अपन त' रहैक
अपना बाड़ीक त' रहैक
ओकर कोनो मूल्य नहि रहैक
ओ बहुमूल्य नहि
अमूल्य रहैक।
baru tite rahaik
muda apan baDik ta rahaik
suad paigh aa ki apanaiti
muda nahi
okra bhelai je
nahi bujhna ja rahlaik
okar mahatv, okar mulya
okar najri gelaik
apne san dosar sagpar
neek jakan khontal
kanti chhantik, sajak rakhal
baDka baDka bajar kimba maulme
katek sohangar katek dekhnauk katek mulyavan
kahu ta’
ii sabh dekhi
kona pasin paDitaik okra
apan durgati
jakra mon phurlaik
aani lelak khotik pathiyak pathiya
bana lelak dalisagga
suDakne ja rahal takra battak batta
nahune nahune o parichit bha chukal achhi
apanasan
bujhi chukal achhi apan mahatvken
apnaken chinhbak kramme
o tay kaylak
baDisan bajar dharik yatra
kinsait yaih rahaik
okar vikas yatra
sashakt hoybak upakram. . .
aai baDD poochh chhaik okar bajarme
o chhaik aab ekta paigh braanD
je tay karait chhaik bajarak paridrishya
saripahun bahumulya bha gel achhi o
muda!
baru tite rahaik
apan ta rahaik
apna baDik ta rahaik
okar kono mulya nahi rahaik
o bahumulya nahi
amulya rahaik.
baru tite rahaik
muda apan baDik ta rahaik
suad paigh aa ki apanaiti
muda nahi
okra bhelai je
nahi bujhna ja rahlaik
okar mahatv, okar mulya
okar najri gelaik
apne san dosar sagpar
neek jakan khontal
kanti chhantik, sajak rakhal
baDka baDka bajar kimba maulme
katek sohangar katek dekhnauk katek mulyavan
kahu ta’
ii sabh dekhi
kona pasin paDitaik okra
apan durgati
jakra mon phurlaik
aani lelak khotik pathiyak pathiya
bana lelak dalisagga
suDakne ja rahal takra battak batta
nahune nahune o parichit bha chukal achhi
apanasan
bujhi chukal achhi apan mahatvken
apnaken chinhbak kramme
o tay kaylak
baDisan bajar dharik yatra
kinsait yaih rahaik
okar vikas yatra
sashakt hoybak upakram. . .
aai baDD poochh chhaik okar bajarme
o chhaik aab ekta paigh braanD
je tay karait chhaik bajarak paridrishya
saripahun bahumulya bha gel achhi o
muda!
baru tite rahaik
apan ta rahaik
apna baDik ta rahaik
okar kono mulya nahi rahaik
o bahumulya nahi
amulya rahaik.
स्रोत :
पुस्तक : ई नहि थिक हमर प्रार्थना (पृष्ठ 39)रचनाकार : आनन्द मोहन झा
प्रकाशन : नवारम्भ, मधुबनी/पटना
संस्करण : 2020
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
