आइ भोरे
जखन सुरुज अकास पर
धरैत छथि पहिल डेग...
आ पातक सोपान पर
नान्हि-नान्हि
निर्मल, गोल ओसक बुन्नी धरि
नहुँ-नहुँ उतरैत छैक
सिनुरिया किरिन।
आँगनक पुबरिआ कोनमे
देबाल पर बाँहि अरकौने
गाछक सभ डारि पर
सोनाक घाँटी जकाँ
लटकल बिहुँसैत देखलियैक
पीअर-पीअर कनैल।
कि एकाएक
बाजि उठैत अछि
हमरा मोनमे सहस्त्रहुँ घाँटी
आ घोरि दैत अछि अंतरमनमे संगीत।
बसातक स्नेहास्पर्श सिहकीसँ
डोलति हर्षातिरेकमे कनैलक डारि
घरमे...मनमे...अंतरिक्षमे
सौंदर्य घोरैत अछि।
आम गाछक फुनगी पर बैसल फुद्दीसँ
बतियाइत अछि कनैल...।
स्वभिमानसँ ठाढ़ अभयदान परसैत
खहरि गेल अछि हृदयक अंतसमे
बिहँसैत कनैल...।
कनैल बिहुँसैत अछि जतए आँगनमे
ओतए, जतए अकासमे उड़ैत अछि चिड़ै
शुरु होइछ अंतरिक्ष ओतहिसँ...
ओतहिसँ जीवन आ कविता सेहो।
aai bhore
jakhan suruj akas par
dharait chhathi pahil Deg. . .
aa patak sopan par
nanhi nanhi
nirmal, gol osak bunni dhari
nahun nahun utrait chhaik
sinuriya kirin.
anganak pubaria konme
debal par banhi arkaune
gachhak sabh Dari par
sonak ghanti jakan
latkal bihunsait dekhaliyaik
piar piar kanail.
ki ekayek
baji uthait achhi
hamra monme sahastrahun ghanti
aa ghori dait achhi antaramanme sangit.
basatak snehasparsh sihakisan
Dolati harshatirekme kanailak Dari
gharme. . . manme. . . antrikshme
saundarya ghorait achhi.
aam gachhak phungi par baisal phuddisan
batiyait achhi kanail. . . .
svabhimanasan thaaDh abhaydan parsait
khahari gel achhi hridyak antasme
bihnsait kanail. . . .
kanail bihunsait achhi jate anganame
ote, jate akasme uDait achhi chiDai
shuru hoichh antriksh otahisan. . .
otahisan jivan aa kavita seho.
aai bhore
jakhan suruj akas par
dharait chhathi pahil Deg. . .
aa patak sopan par
nanhi nanhi
nirmal, gol osak bunni dhari
nahun nahun utrait chhaik
sinuriya kirin.
anganak pubaria konme
debal par banhi arkaune
gachhak sabh Dari par
sonak ghanti jakan
latkal bihunsait dekhaliyaik
piar piar kanail.
ki ekayek
baji uthait achhi
hamra monme sahastrahun ghanti
aa ghori dait achhi antaramanme sangit.
basatak snehasparsh sihakisan
Dolati harshatirekme kanailak Dari
gharme. . . manme. . . antrikshme
saundarya ghorait achhi.
aam gachhak phungi par baisal phuddisan
batiyait achhi kanail. . . .
svabhimanasan thaaDh abhaydan parsait
khahari gel achhi hridyak antasme
bihnsait kanail. . . .
kanail bihunsait achhi jate anganame
ote, jate akasme uDait achhi chiDai
shuru hoichh antriksh otahisan. . .
otahisan jivan aa kavita seho.
स्रोत :
पुस्तक : आब कतेक चुप रहू (मैथिली कविता-संग्रह) (पृष्ठ 25)रचनाकार : दीप नारायण
प्रकाशन : राजकमल प्रकाशन, नई दिल्ली
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
