बन्दरन की फौज आइ गयी हइ जो गाँउ मा
केतनउ बराउ फिरते भच्छि खइहैं पाँउ मा
इनते जो चहौ खैरि तउ फिरि बैरु न करउ
मलिहम लगाइ पइहउ ना हर एक घाउ मा
बन्दरन की फौज आइ गयी हइ जो गाँउ मा
हिन्दू न मुसलमान न कोइ सिक्ख ईसाई
मानति हइँ खूनु एक सबै हैं सगे भाई
मतलब परस्त हइँ बड़े हुसियार हुइ रहौ
खूनी बयारि फिरि बही अबकी चुनाउ मा
बन्दरन की फौज आइ गयी हइ जो गाँउ मा
छोड़वाइ सबइ कामु धामु संग लइ चलै
कूदैं घरन-घरन मा यह सबका बड़ा खलै
सबु खानु-पानु नासि औ छिछियाइ कै कहिनि
जल्दी चलउ पंगारि लइ अबहीं नहाउ ना
बन्दरन की फौज आई गयी हइ जो गाँउ मा
फिरि तउ उठापटक सुरू मैदान मा भई
कोई का हाँथु टूटिगा अँगुरी उतरि गई
बाँदरु बुढ़ान हइ घुटा चावलु पुरान हइ
गोतहलि गये हइँ नइथुआ सब एक दाँउ मा
बन्दरन की फौज आइ गयी हइ जो गाँउ मा
मुँह ट्याढ़ रहइ अबता मुला भिल्लु हुइ गये
बिरवा की सबइ भूलि के आकास छुइ गये
घूमे फिरे जो साथ चना गुड़ खवाइगे
उनहुन की नाक नोचिगे पहिले नोचाउ मा
बन्दरन की फौज आइ गयी हइ जो गाँउ मा
सोचेउ न अगर युक्ति तउ रोवइ का फिरि परी
फिरि हाँथ पाँउ छोड़ि जो काटिनि यइ नरकसी
बाँदर कहाँ लौ सूध हुइकै राजु चलइहैं
अबहीं समय हइ कुछु करौ अपने बचाउ मा
बन्दरन की फौज आइ गयी हइ जो गाँउ मा
bandran ki phauj aai gayi hai jo ganu ma
ketanau barau phirte bhachchhi khaihain panu ma
inte jo chahau khairi tau phiri bairu na karau
maliham lagai paihau na har ek ghau ma
bandran ki phauj aai gayi hai jo ganu ma
hindu na musalman na koi sikkh iisai
manati hain khunu ek sabai hain sage bhai
matlab parast hain baDe husiyar hui rahau
khuni bayari phiri bahi abki chunau ma
bandran ki phauj aai gayi hai jo ganu ma
chhoDvai sabai kamu dhamu sang lai chalai
kudain gharan gharan ma ye sabka baDa khalai
sabu khanu panu nasi au chhichhiyai kai kahini
jaldi chalau pangari lai abhin nahau na
bandran ki phauj aai gayi hai jo ganu ma
phiri tau uthaptak suru maidan ma bhai
koi ka hanthu tutiga anguri utari gai
bandaru buDhan hai ghuta chavalu puran hai
gotahali gaye hain naithua sab ek danu ma
bandran ki phauj aai gayi hai jo ganu ma
munh tyaaDh rahai abta mula bhillu hui gaye
birva ki sabai bhuli ke akas chhui gaye
ghume phire jo saath chana guD khavaige
unhun ki naak nochige pahile nochau ma
bandran ki phauj aai gayi hai jo ganu ma
socheu na agar yukti tau rovai ka phiri pari
phiri haanth panu chhoDi jo katini yai naraksi
bandar kahan lau soodh huikai raju chalaihain
abhin samay hai kuchhu karau apne bachau ma
bandran ki phauj aai gayi hai jo ganu ma
bandran ki phauj aai gayi hai jo ganu ma
ketanau barau phirte bhachchhi khaihain panu ma
inte jo chahau khairi tau phiri bairu na karau
maliham lagai paihau na har ek ghau ma
bandran ki phauj aai gayi hai jo ganu ma
hindu na musalman na koi sikkh iisai
manati hain khunu ek sabai hain sage bhai
matlab parast hain baDe husiyar hui rahau
khuni bayari phiri bahi abki chunau ma
bandran ki phauj aai gayi hai jo ganu ma
chhoDvai sabai kamu dhamu sang lai chalai
kudain gharan gharan ma ye sabka baDa khalai
sabu khanu panu nasi au chhichhiyai kai kahini
jaldi chalau pangari lai abhin nahau na
bandran ki phauj aai gayi hai jo ganu ma
phiri tau uthaptak suru maidan ma bhai
koi ka hanthu tutiga anguri utari gai
bandaru buDhan hai ghuta chavalu puran hai
gotahali gaye hain naithua sab ek danu ma
bandran ki phauj aai gayi hai jo ganu ma
munh tyaaDh rahai abta mula bhillu hui gaye
birva ki sabai bhuli ke akas chhui gaye
ghume phire jo saath chana guD khavaige
unhun ki naak nochige pahile nochau ma
bandran ki phauj aai gayi hai jo ganu ma
socheu na agar yukti tau rovai ka phiri pari
phiri haanth panu chhoDi jo katini yai naraksi
bandar kahan lau soodh huikai raju chalaihain
abhin samay hai kuchhu karau apne bachau ma
bandran ki phauj aai gayi hai jo ganu ma
स्रोत :
पुस्तक : सिरका (अवधी गीत संग्रह) (पृष्ठ 35)रचनाकार : जगजीवन मिश्र ‘जीवन’
प्रकाशन : भगवत मेमोरियल इंटर कॉलेज समिति, मिश्रिख, सीतापुर
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
