क्यो एकरा दियौक नहि टोक
ई अछि बहिरा ओ अछि बौक
ई नाचै अछि अपने तालेँ
चढ़लापर कखनो कऽ झोंक
अपनहि टा हित ई बूझै अछि
अपनहि दुनियाँ अपनहि लोक
बेचि रहल ईमान-धरम ई
कखनो खुदरा कखनो थोक
बसय ई भारतमाता केँ
ज्यों शोणितकेँ चूसय जोंक
सत्य-अहिंसा केर प्रेमीकेँ
देखा रहल बन्दूकक नोक
देस रहय अथवा ई डूबय
एकरा हर्ष ने आ किछु शोक
भऽ निराश ताकै छथि बाबा
भेटय नहि किन्नहु आलोक
स्रोत :
- पुस्तक : पहरा इमानपर (मैथिली गजल-संग्रह) (पृष्ठ 12)
- रचनाकार : बाबा बैधनाथ
- प्रकाशन : गौरी प्रकाशन, कचहरी बलुआ, पूर्णिया
- संस्करण : 1989
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
