कोन एहन हम काज करू जे लागय
kon ehan hum kaaj karu je lagay
कोन एहन हम काज करू जे लागय कोनो पाप नहि
भूखक आगिसँ बेसी भैया अछि कोनो संताप नहि
रक्तबीज सन बढ़ल जाइ छै आइ मनुज संतान कोना
जे खाली जनमेटा दै छै ओ पापी अछि बाप नहि
जे अपने टा स्वार्थ बुझै छै व्यर्थ ओतए उपदेश कोनो
कारी कम्मलपर पड़तै पुनि आन रंगकेर छाप नहि
ककरो रोटीपर आफत छै कतहु सड़ैए दूध मलाइ
ई अपनहि कर्मकेर फल थिक पूर्वजन्मकेर श्राप नहि
कर्महीन बनैछ ओ प्राणी जे दोसर पर दोष मढ़य
कार्यसिद्ध होइछ मेहनतिसँ बैसल कयने जाप नहि
स्रोत :
- पुस्तक : पहरा इमानपर (मैथिली गजल-संग्रह) (पृष्ठ 10)
- रचनाकार : बाबा बैधनाथ
- प्रकाशन : गौरी प्रकाशन, कचहरी बलुआ, पूर्णिया
- संस्करण : 1989
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
