हमरी गउवां में तनिको सुधार नइखे।
भाई-भाई में लड़ाई होला प्यार नइखे।
पहिले के लोग सब एक में रहत रहे।
मनवा के बाति सभे सबसे कहत रहे॥
घर की पुरनियां की राय से चलत रहे,
अब छोट-बड़ केहू में विचार नइखे॥
भाई-भाई में लड़ाई होला प्यार नइखे॥
बड़का पीपर, बर सब त कटाइ गइल।
दुअरा के कउड़ा दुश्मनी में बुझाइ गइल॥
एक दूसरे में भाला-बरछी तनाइ गइल,
अब गउवां में बड़का इनार नइखे॥
भाई-भाई में लड़ाई होला प्यार नइखे॥
छोट-मोट झगड़ा सरपंच जी की माथे रहे।
कोर्ट कचहरी तब केहू नाहीं जात रहे॥
गाँव के विवाद गाँव ही में फरियात रहे,
अब केहू से केहू का दरकार नइखे॥
भाई-भाई में लड़ाई होला प्यार नइखे॥
साल भर के झगड़ा होली में फरियात बा।
रंग पिचुकारी नाही कट्टा तनात बा॥
एक दूसरे के एक दूसरे पर घात बा,
अब पहिले जइसन होली के बहार नइखे॥
भाई-भाई में लड़ाई होला प्यार नइखे॥
hamri gauvan mein taniko sudhar naikhe.
bhai bhai mein laDai hola pyaar naikhe.
pahile ke log sab ek mein raht rahe.
manva ke bati sabhe sabse kahat rahe॥
ghar ki purniyan ki raay se chalat rahe,
ab chhot baD kehu mein vichar naikhe॥
bhai bhai mein laDai hola pyaar naikhe॥
baDka pipar, bar sab ta katai gail.
duara ke kauDa dushmani mein bujhai gail॥
ek dusre mein bhala barchhi tanai gail,
ab gauvan mein baDka inaar naikhe॥
bhai bhai mein laDai hola pyaar naikhe॥
chhot mot jhagDa sarpanch ji ki mathe rahe.
kort kachahri tab kehu nahin jaat rahe॥
gaanv ke vivad gaanv hi mein phariyat rahe,
ab kehu se kehu ka darkar naikhe॥
bhai bhai mein laDai hola pyaar naikhe॥
saal bhar ke jhagDa holi mein phariyat ba.
rang pichukari nahi katta tanat baa॥
ek dusre ke ek dusre par ghaat ba,
ab pahile jaisan holi ke bahar naikhe॥
bhai bhai mein laDai hola pyaar naikhe॥
hamri gauvan mein taniko sudhar naikhe.
bhai bhai mein laDai hola pyaar naikhe.
pahile ke log sab ek mein raht rahe.
manva ke bati sabhe sabse kahat rahe॥
ghar ki purniyan ki raay se chalat rahe,
ab chhot baD kehu mein vichar naikhe॥
bhai bhai mein laDai hola pyaar naikhe॥
baDka pipar, bar sab ta katai gail.
duara ke kauDa dushmani mein bujhai gail॥
ek dusre mein bhala barchhi tanai gail,
ab gauvan mein baDka inaar naikhe॥
bhai bhai mein laDai hola pyaar naikhe॥
chhot mot jhagDa sarpanch ji ki mathe rahe.
kort kachahri tab kehu nahin jaat rahe॥
gaanv ke vivad gaanv hi mein phariyat rahe,
ab kehu se kehu ka darkar naikhe॥
bhai bhai mein laDai hola pyaar naikhe॥
saal bhar ke jhagDa holi mein phariyat ba.
rang pichukari nahi katta tanat baa॥
ek dusre ke ek dusre par ghaat ba,
ab pahile jaisan holi ke bahar naikhe॥
bhai bhai mein laDai hola pyaar naikhe॥
स्रोत :
पुस्तक : गँउवा के माटी अनमोल (पृष्ठ 9)रचनाकार : रामबहादुर ‘अधीर पिण्डवी’
प्रकाशन : अखिल भारतीय भोजपुरी समाज, गोमतीनगर, लखनऊ
संस्करण : 2010
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
