हिया में हुलास बा रउरे अंजोर के।
स्वागत करिले हम दुनू कर जोर के॥
पपीहा परान प्रीत रउरे ई असरे,
बरसल सेवाती अब घरे-बने सगरे।
दिल का दुआरे आईं पपनी का पोर से॥
स्वागत...
मनवा का बेदी पर चोआ चनन बा,
जिनिगी सुफल भइल भाग धन-धन बा।
आसन डसाके लाज राखी ना सहोर के।
स्वागत...
दरसन दुलुम घरे बइठल करवनी,
सपना के साध सईंतल आस पुरवनी।
बटिया निरेखीं राउर डगर अगोर के।
स्वागत...
स्रोत :
- पुस्तक : भिनुसार हो गइल (पृष्ठ 35)
- रचनाकार : मूंगालाल शास्त्री
- प्रकाशन : भोजपुरी भारती, सारण
- संस्करण : 2016
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
