जनता के बा चिन्ता
'हया अउर लाज' के!
ए कुलि से का मतलब
नेतन का आज के?
हिन्दू-मुस्लिम बीचे खाई खोनवा देई
मारकाट करवा के सबके बिलगा देई
सपना देखलाई ऊ रोज 'रामराज' के!
नेत-बरक्कत सगरो दांव पर लगा देई
चीन्हि चीन्हि अपनन के रेवड़ी बंटवा देई
गद्दी खातिर बाँटी सौ दफा समाज के!
आँवाँ में भूख आ गरीबी के जरि जाई—
छछनत दुइ रोटी के लोग इहाँ मरि जाई
ठकचल गोदाम रही देश में अनाज के!
सत्यवान कमे-उमिर रोज इहाँ मरि जालन
फेंकरत सावित्री के देखि 'जम' उखड़ जालन
कवन भरोसा केहू करी धरमराज के?
नेता-अफसर-नोकर आइ-आइ खाँच गइल
सइंचल सपना गाँधीजी के ना साँच भइल
झलक कबो ना लउकल देश में 'सुराज' के।
राजनीति घर-दुआर गाँव-शहर चरि जाई
समझे में हमहन के जिन्दगी गुजरि जाई
कई परत बोकला बा जइसे पियाज के।
janta ke ba chinta
haya aur laaj ke!
e kuli se ka matlab
netan ka aaj ke?
hindu muslim biche khai khonva dei
markat karva ke sabke bilga dei
sapna dekhlai uu roj ramraj ke!
net barakkat sagro daanv par laga dei
chinhi chinhi apnan ke revDi bantva dei
gaddi khatir banti sau dapha samaj ke!
anvan mein bhookh aa garibi ke jari jai—
chhachhnat dui roti ke log ihaan mari jai
thakchal godam rahi desh mein anaj ke!
satyavan kame umir roj ihaan mari jalan
phenkrat savitri ke dekhi jam ukhaD jalan
kavan bharosa kehu kari dharamraj ke?
neta aphsar nokar aai aai khaanch gail
sainchal sapna gandhiji ke na saanch bhail
jhalak kabo na laukal desh mein suraj ke.
rajaniti ghar duar gaanv shahr chari jai
samjhe mein hamhan ke jindgi gujari jai
kai parat bokla ba jaise piyaj ke.
janta ke ba chinta
haya aur laaj ke!
e kuli se ka matlab
netan ka aaj ke?
hindu muslim biche khai khonva dei
markat karva ke sabke bilga dei
sapna dekhlai uu roj ramraj ke!
net barakkat sagro daanv par laga dei
chinhi chinhi apnan ke revDi bantva dei
gaddi khatir banti sau dapha samaj ke!
anvan mein bhookh aa garibi ke jari jai—
chhachhnat dui roti ke log ihaan mari jai
thakchal godam rahi desh mein anaj ke!
satyavan kame umir roj ihaan mari jalan
phenkrat savitri ke dekhi jam ukhaD jalan
kavan bharosa kehu kari dharamraj ke?
neta aphsar nokar aai aai khaanch gail
sainchal sapna gandhiji ke na saanch bhail
jhalak kabo na laukal desh mein suraj ke.
rajaniti ghar duar gaanv shahr chari jai
samjhe mein hamhan ke jindgi gujari jai
kai parat bokla ba jaise piyaj ke.
स्रोत :
पुस्तक : फूटल किरिन हजार (पृष्ठ 63)रचनाकार : अशोक द्विवेदी
प्रकाशन : पाती प्रकाशन, बलिया
संस्करण : 2003
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
