नाश के बदरी गगन में छा गइल
समय कइसन आ गइल
घुट रहल अब आदमी के साँस बा
साँच पर ना हो रहल विश्वास बा
भार धरती के सभे बाटे बनल
झूट के परचम इहाँ लहरा गइल
हो रहल बा जीत इहँवा पाप के
ठग रहल बा लोग अपना आप के
ओठ पर अमृत, जहर मन में भरल
रीत जग के लाज लख शरमा गइल
दिन भइल दुश्मन कि काटत रात बा
बात में हर घात आ प्रतिघात बा
हो गइल बीमार जब रितुराज तक
काग ना, कोयल कुबोल सुना गइल
स्रोत :
- पुस्तक : आँचर के टुकड़ा (पृष्ठ 32)
- रचनाकार : रमाकान्त मुकुल
- प्रकाशन : भोजपुरी संस्थान, पटना
- संस्करण : 2003
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
