सजी सुखवा लूटे रजधानी
saji sukhva lute rajdhani
सजी सुखवा लूटे रजधानी,
कि बड़का लोग काटत बाटे चानी।
कहे के सुराज मिलल,
जनता का राज मिलल;
बाकी ना गरीबवन का
भरपेट अनाज मिलल।
जुड़त नइखे पीयेवाला पानी।
रहे के त घर नइखे,
देह प' बहतर नइखे;
जिअलो दुलम भइले
होखतो गुजर नइखे।
असहीं जिनिगिया ई झुरानी।
कतना त वादा भइल
बहुते इरादा भइल;
जन सेवा नाम पर
फरजी से पियादा भइल।
सभे वादा गइले भुलानी।
जतना हजूर बाड़ें,
गरबे में चूर बाड़ें;
पाँच तारा होटल के
भोज भरपूर मारें।
पीयत बाड़ें बोतल वाला पानी,
कि बड़का लोग काटत बाटे चानी।
स्रोत :
- पुस्तक : खरकत जमीन बजरत आसमान (पृष्ठ 107)
- रचनाकार : ब्रजभूषण मिश्र
- प्रकाशन : वनांचल प्रकाशन, तेनुघाट (बोकारो)
- संस्करण : 2015
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
