सभका के देलऽ रामजी अनधन सोनवा
sabhka ke delऽ ramji andhan sonva
(बेमेल विवाह)
सभका के देलऽ रामजी अनधन सोनवा
बनवारी हो, हमरा के लरिका भतार।
लरिका भतार लेके सुतलीं अँगनवा,
बनवारी हो, रहरी में बोलेला सियार।
सियरा के बोली सुनि जागेला बलमुआँ,
बनवारी हो, रोइ-रोइ करेला हँकार।
चुप होखु चुप होखु, नन्हका बलमुआँ,
बनवारी हो, तोहे देबो मोतियन के हार।
खोले के त चोली बंद, खोलेला केवाँड़ी,
बनवारी हो, जरि गइले एड़ी से कपार!
कहत महेन्दर, हम पुरुब में चुकलीं,
बनवारी हो, इहे विधि लिखले लिलार।
स्रोत :
- पुस्तक : महेन्द्र मिसिर के चुनिंदा भोजपुरी गीत (पृष्ठ 76)
- संपादक : भगवती प्रसाद द्विवेदी
- रचनाकार : महेन्द्र मिसिर
- प्रकाशन : सर्व भाषा ट्रस्ट, नई दिल्ली
- संस्करण : 2021
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
