लोग मुसकइबे करी
log musakaibe kari
घरवा फूटी तऽ लोग मुसुकइबे करी।
दाँव दुसमन आवन अजमइबे करी॥
सुख देखि लोगवा के फाटेला छाती।
मतलबी लोग कबो होला ना साथी॥
तोहार देखिके विकास जरि जइबे करी,
घरवा फूटी तऽ...
भाई सगा के लोगवा भड़कावेला।
उलटा समुझाके झगड़ा करावेला॥
सुनबऽ बतिया तऽ लोग भड़कइबे करी।
घरवा फूटी तऽ...
मेहरी गुमान करे भतार की कमाई।
हरदम निगाह रखे एक-एक पाई॥
कान भरी त फूटमति समइबे करीं।
घरवा फूटी तऽ...
सगरी कमाई तोहार इहें रहि जाई।
साथ लेके केहूना एको पाई जाई॥
इहवें नेकी बदी रहि जइबे करी॥
घरवा फूटी तऽ लोग मुसुकइबे करी॥
स्रोत :
- पुस्तक : गँउवा के माटी अनमोल (पृष्ठ 84)
- रचनाकार : रामबहादुर ‘अधीर पिण्डवी’
- प्रकाशन : अखिल भारतीय भोजपुरी समाज, गोमतीनगर, लखनऊ
- संस्करण : 2010
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
