रहि-रहि नाचे मन मोर हो,
जिनिगिया में भोर भइलें बलमूँ।
रहि-रहि नाचे…
जनम-जनम के पिया, तूँ मोरा साथी,
बिनू तोरे तेल, जरे ना मोरी बाती,
तोहरे से हमरो अँजोर हो।
जिनिगिया में…
हमरे नयनवाँ में छवि तेरी नाचे,
नान्हें के नेहियाँ लिखल मन बाँचे,
भइलीं जइसे चन्दा चकोर हो।
जिनिगिया में…
तोरे बदे पीया नित रूप सजवलीं,
रचि-रचि सोरहो सिंगार संवरलीं,
निरखीला तोहें चितचोर हो।
जिनिगिया में…
स्रोत :
- पुस्तक : लोक रागिनी (पृष्ठ 68)
- रचनाकार : भोलानाथ गहमरी
- प्रकाशन : रागिनी प्रकाशन, गाजीपुर
- संस्करण : 1995
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
