डोले चइत-बइसखवा पवन
हँसि मारे अगिनियाँ के बान।
धरती के जइसे कि ढरकलि उमिरिया,
तार-तार हो गइली धानी चुनरिया,
कुम्हिला गइल फूल गेनवाँ बदन—
हँसि मारे…
दिनवाँ त दिनवाँ विकल करे रतिया,
चाँदनी के छन-छन जरन लागे छतिया,
कांपेला भोरहीं सुरुज से गगन—
हँसि मारे…
तलवा-तलइया के जियरा लुटाइल,
केकरो बिरह नदिया दूबराइलि,
पंछी पियासा के तड़पेला मन—
हँसि मारे…
स्रोत :
- पुस्तक : लोक रागिनी (पृष्ठ 99)
- रचनाकार : भोलानाथ गहमरी
- प्रकाशन : रागिनी प्रकाशन, गाजीपुर
- संस्करण : 1995
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
