कहवाँ जाई? कहीं त केकरा?
बहुते होत कलेस
कि आपन देसे भइल विदेस!
मोगल से गोरा ले नोचल
जवन सोनहुला पाँख
बेटो के नोचत देखत बा
अब माई के आँख
अँगना लूटे लाल सिपहिया
दुअरा पर दरवेस कि...
छोड़ के आपन बोली
हरदम गिटिर-पिटिर बतिआवे
नकल में अनका आपन भूले
लोगो के भरमावे
गाँव के सियरा शहर में घूमे
रोज बदल के भेष कि...
जात-धरम के बाग देखावे
आपुस में लड़वावे
हमके बाँटे, राज करे खुद
चोर सेंध पर गावे
जेकरा कारण मचल तबाही
ओकरे कन बा केस कि...
इहाँ के उपराजन देके
दोसरा कन हाथ पसारे
जवन बैल मरले रहुए
फेर ओकरे के पुचकारे
फान रहल पचास से ऊपर
तबहूँ रहल भदेस कि...
आज बुझाता, लड़ल सहज ह
जे बाहर दुश्मन बा
बाकी घर के गद्दारन से
निबटल बड़ा कठिन बा
ई अठगोरवा चिमट गइल बा
अब त केसे केस कि...
kahvan jai? kahin ta kekra?
bahute hot kales
ki aapan dese bhail vides!
mogal se gora le nochal
javan sonahula paankh
beto ke nochat dekhat ba
ab mai ke ankh
angana lute laal sipahiya
duara par darves ki. . .
chhoD ke aapan boli
hardam gitir pitir batiave
nakal mein anka aapan bhule
logo ke bharmave
gaanv ke siyra shahr mein ghume
roj badal ke bhesh ki. . .
jaat dharam ke baag dekhave
aapus mein laDvave
hamke bante, raaj kare khud
chor sendh par gave
jekara karan machal tabahi
okre kan ba kes ki. . .
ihaan ke uprajan deke
dosra kan haath pasare
javan bail marle rahue
pher okre ke puchkare
phaan rahal pachas se uupar
tabhun rahal bhades ki. . .
aaj bujhata, laDal sahj ha
je bahar dushman ba
baki ghar ke gaddaran se
nibtal baDa kathin ba
ii athgorva chimat gail ba
ab ta kese kes ki. . .
kahvan jai? kahin ta kekra?
bahute hot kales
ki aapan dese bhail vides!
mogal se gora le nochal
javan sonahula paankh
beto ke nochat dekhat ba
ab mai ke ankh
angana lute laal sipahiya
duara par darves ki. . .
chhoD ke aapan boli
hardam gitir pitir batiave
nakal mein anka aapan bhule
logo ke bharmave
gaanv ke siyra shahr mein ghume
roj badal ke bhesh ki. . .
jaat dharam ke baag dekhave
aapus mein laDvave
hamke bante, raaj kare khud
chor sendh par gave
jekara karan machal tabahi
okre kan ba kes ki. . .
ihaan ke uprajan deke
dosra kan haath pasare
javan bail marle rahue
pher okre ke puchkare
phaan rahal pachas se uupar
tabhun rahal bhades ki. . .
aaj bujhata, laDal sahj ha
je bahar dushman ba
baki ghar ke gaddaran se
nibtal baDa kathin ba
ii athgorva chimat gail ba
ab ta kese kes ki. . .
स्रोत :
पुस्तक : सुर में सब सुर (पृष्ठ 31)रचनाकार : तैयब हुसैन पीड़ित
प्रकाशन : शब्द संसार, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
