कवनो अइसन दिया बनी
kavno aisan diya bani
कवनो अइसन दिया बनि सकीं तऽ बनीं।
सनेह के रोशनी हम बनिके जलीं॥
उम्र होखे भले कुछु पल कुछु घड़ी,
बस अंधेरा मिटे मोम सा हम गलीं।
प्रीति के रीति सबके सिखावल करीं।
मंदिरों में जरीं मस्जिदो में बरीं॥
भाई चारा बनीं आपसी मेल हो,
छलि जाई भले ना केहू के छलीं॥...
केहू भूलल हो ओकर सहारा बनीं।
नाव डूबत हो ओकर किनारा बनीं॥
जग के उजियार हम करि सकीं त करीं,
हम भले रोशनी के बिना ही पलीं॥...
हऽ दिया नाम हमरो दिया ही करीं।
कवनो थाती ना अपनी लिये हम धरीं।
दे सकीं प्राण भी देश हित के लिए,
हम सदा धर्म की राह पर ही चलीं॥...
स्रोत :
- पुस्तक : गँउवा के माटी अनमोल (पृष्ठ 33)
- रचनाकार : रामबहादुर ‘अधीर पिण्डवी’
- प्रकाशन : अखिल भारतीय भोजपुरी समाज, गोमतीनगर, लखनऊ
- संस्करण : 2010
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
