कीचड़ से नील कँवल, दियना से कजरा,
चिटुकी भर नेंह से, संवरि जाला जियरा।
चिटुकी भर…
जब-जब किरिनियाँ अगिन बरिसावे,
धरती के तप से सागर उठि धावे,
बूँद-बूँद बनि के बरसि जाला बदरा।
चिटुकी भर…
तनिकी भर तेल पर धधा के जरे बाती,
छन भर में माँग भरे रात एहवाती,
बिहँसि उठे भीतर के रूप रंग चेहरा।
चिटुकी भर…
जिनिगी के साध पले मन में हर ढंग के,
कांटन के बीच जइसे फूल कई रंग के,
जे पावल गंध भइल, गरवा के गजरा।
चिटुकी भर…
स्रोत :
- पुस्तक : लोक रागिनी (पृष्ठ 211)
- रचनाकार : भोलानाथ गहमरी
- प्रकाशन : रागिनी प्रकाशन, गाजीपुर
- संस्करण : 1995
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
