नियतिक सीमामे बान्हल
भकरार जीवन क्षण,
पाथरक चोट सहल अमलतास फूल हम।
भावक सब डारि-पात
टूटि-टाटि छिड़िआयल
खोंता जे नेहक छल
से छणमे उड़ियायल,
समयक डिब्बामे बंद
आजीवन बंदी हम।
पाथरक चोट सहल अमलतास फूल हम।
काल्हि हमर रूप छवि
शोभा बिलहैत छल
हमर पीत रूप-छाह
सुधा-श्री झड़ैत छल
मनमे न उल्लास आब
स्लथ जीवन हम।
पाथरक चोट सहल अमलतास फूल हम।
स्रोत :
- पुस्तक : एक गुलाबक लेल (पृष्ठ 30)
- रचनाकार : छत्रानन्द सिंह झा
- प्रकाशन : नीलकण्ठ प्रकाशन, पटना
- संस्करण : 1988
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
